వాషింగ్టన్‌ : ప్రపంచంలోనే అత్యంత కుబేరుడైన టెస్లా సీఈఓ, స్పేస్‌ఎక్స్‌ అధినేత ఎలన్‌మస్క్‌ తాజాగా కోకాకోలాపై గురి పెట్టినట్టు సంకేతాలు ఇచ్చారు. ఇటీవల ట్విట్టర్‌ను కొనుగోలు చేసిన ఆయన తాజాగా శీతల పానియాల కార్పొరేట్‌ దిగ్గజం కోకాకోలను కొనుగోలు చేయనున్నట్టు ట్వీట్‌ చేశారు. ఇందుకోసం ప్రణాళికలు రూపొందిస్తున్నట్టు సైతం పేర్కొన్నారు. కొకైన్‌ను తిరిగి తీసుకోస్తానంటూ తెలిపారు. ఈ అసాధారణ ట్వీట్‌పై నెటిజన్లు పలు విధాలుగా స్పందిస్తున్నారు. ఎలన్‌ సరదాగా ఈ ప్రకటన చేసి ఉండొచ్చని అభిప్రాయపడుతున్నారు. ఎలన్‌ ఇటీవలే రూ.3.3 లక్షల కోట (21 బిలియన్‌ డాలర్లు)కు ట్విట్టర్‌ను కొనుగోలు చేసిన విషయం తెలిసిందే. ఈ సామాజిక వేదిక కొనుగోలు ప్రకటనతో ఎలన్‌ ప్రపంచ దేశాల్లో పెద్ద చర్చనీయాంశంగా మారారు.