· టెస్ట్‌ ప్రిపరేషన్‌ సేవలలో దేశంలోనే అగ్రగామి అయిన ఆకాష్‌+బైజూస్‌, 24 రాష్ట్రాలు, కేంద్రపాలిత ప్రాంతాలలో 285కు పైగా కేంద్రాలను కలిగి ఉండటంతో పాటుగా ప్రతి సంవత్సరం 3.3 లక్షల మంది విద్యార్ధులకు విద్యాబోధన చేస్తుంది.
· ఆదిలాబాద్‌లోని ఈ నూతన కేంద్రం ద్వారా అవసరమైన కోర్సుల సమాచారం అందించడంతో పాటుగా వైద్య, ఇంజినీరింగ్‌ ప్రవేశ పరీక్షలకు సిద్ధమవుతున్న విద్యార్థులకు దగ్గరలోని కేంద్ర సమాచారంతో పాటుగా జాతీయ, అంతర్జాతీయ ఒలింపియాడ్స్‌ గురించిన సమాచారమూ అందించనున్నారు.
నవతెలంగాణ ఆదిలాబాద్‌: దేశ వ్యాప్తంగా పలు ప్రాంతాలలో తమ నెట్‌వర్క్‌ను విస్తరించడం ద్వారా ఐఐటీయన్లు, డాక్టర్లుగా మారాలనుకునే వేలాది మంది విద్యార్థులు కలలను సాకారం చేయాలనే లక్ష్యానికనుగుణంగా దేశంలో అగ్రగామి టెస్ట్‌ ప్రిపరేషన్‌ సేవల సంస్థ ఆకాష్‌ +బైజూస్‌ నేడు ఆదిలాబాద్‌లో తమ మొట్టమొదటి సమాచార కేంద్రాన్ని 12–68/1, మొదటి అంతస్థు, శ్రీ బాలాజీ స్వీట్స్‌ పైన, తిరుమల పెట్రోల్‌ పం్‌ వద్ద , ధోబీ కాలనీ, దాస్నాపూర్‌, ఆదిలాబాద్‌ వద్ద ప్రారంభించింది.
ఈ సమాచార కేంద్రం వద్ద ఆకాష్‌ +బైజూస్‌కు సంబంధించిన పూర్తి వివరాలతో పాటుగా అది అందించే కోర్సులు తదితర అంశాలకు సంబంధించిన సమాచారమూ పొందవచ్చు. ఆకాష్‌ +బైజూస్‌ వద్ద విద్యార్థులు ఇప్పుడు వైద్య, ఇంజినీరింగ్‌ కోర్సులతో పాటుగా ఫౌండేషన్‌ స్థాయి కోర్సులను సైతం ఎంచుకోవచ్చు. ఈ నూతన సమాచార కేంద్రాన్ని ఆకాష్‌ +బైజూస్‌ చీఫ్‌ రెవిన్యూ ఆఫీసర్‌ నితిన్‌ గొలానీ ప్రారంభించారు. ఈ కార్యక్రమంలో డిప్యూటీ డైరెక్టర్‌ శేషగిరి రాజు, ఏరియా బిజినెస్ హెడ్‌ పింకు ప్రసాద్‌, అకడమిక్‌ డైరెక్టర్‌ సుమన్‌ గౌడ్‌, బ్రాంచ్‌ హెడ్‌ వెంకటేష్‌ మెరుగుల పాల్గొన్నారు.
ఈ ప్రారంభం గురించి ధీరజ్‌ కుమార్‌ మిశ్రా, రీజనల్‌ డైరెక్టర్‌, ఆకాష్‌ +బైజూస్‌ మాట్లాడుతూ ఐఐటీయన్లు, డాక్టర్లుగా మారాలని ఆశిస్తోన్న స్థానిక విద్యార్థులకు ఆదిలాబాద్‌లోని ఈ కేంద్రం ఓ వరంగా మారనుందన్నారు. దేశవ్యాప్తంగా తమ నాణ్యమైన బోధన ద్వారా అన్ని ప్రాంతాలకూ చేరువయ్యామంటూ ప్రతిష్టాత్మక ఇనిస్టిట్యూట్‌లకు ఎంపికైన తమ విద్యార్థులే దానికి నిదర్శనమన్నారు. ఆకాష్‌ +బైజూస్‌లో చేరగోరు విద్యార్థులు ఇన్‌స్టెంట్‌ అడ్మిషన్‌ కమ్‌ స్కాలర్‌షిప్‌ టెస్ట్‌ (ఐఏసీఎస్‌టీ) లేదంటే ఆకాష్‌ +బైజూస్‌ నేషనల్‌ టాలెంట్‌ హంట్‌ పరీక్షలలో పాల్గొనవచ్చు.
