న్యూఢిల్లీ: తన భారతదేశ పర్యటన సందర్భంగా, భారతదేశంలోని వాట్సాప్ కమ్యూనిటీ బిల్డర్స్ ప్రోగ్రామ్‌లోని నాయకులతో, కమ్యూనిటీల ఇమ్మర్షన్‌ పేరిట నిర్వహించిన కార్యక్రమంలో మెటా గ్లోబల్ అఫైర్స్ ప్రెసిడెంట్ నిక్ క్లెగ్ పాల్గొన్నారు. ఇటీవల ప్రారంభించిన ‘కమ్యూనిటీస్ ఆన్ వాట్సాప్’ ఫీచర్ సంస్థలకు ఎలా సహకారాన్ని అందిస్తుందో చర్చించారు. దేశవ్యాప్తంగా సామాజిక ప్రభావాన్ని పెంచే తమ ఉమ్మడి లక్ష్యంలో మెరుగైన అనుసంధానం, వ్యవస్థీకృత మార్పుకు ఆ ఫీచర్ అందించే సహకారాన్ని వివరించారు.
     ప్రపంచ వ్యాప్తంగా వాట్సప్ కమ్యూనిటీలను అందుబాటులోకి తీసుకు వస్తున్నామని మార్క్ జుకర్‌బర్గ్ ఈ నెల ప్రారంభంలో ప్రకటించారు. వ్యక్తులు, సన్నిహిత గ్రూపులు వాట్సప్‌లో ఎలా అనుసంధానం అవుతారనే అంశానికి ప్రధాన నవీకరణగా అందుబాటులోకి తీసుకు వచ్చిన ఈ సదుపాయం ద్వారా వారందతా ఒకే గొడుగు కింద సంబంధిత గ్రూపు సంభాషణలను నిర్వహించడం, సమర్థవంతంగా సహకరించుకోవడం, సమాచారాన్ని పంచుకోవడాన్ని ఇది సరళం చేస్తుంది. సముదాయాలలో వాట్సప్ ఎక్కడా లేని గోప్యత securityతో సంస్థలు ఎలా కమ్యూనికేట్ చేస్తాయనే అనే స్థాయిని పెంచడాన్ని కూడా లక్ష్యంగా పెట్టుకుంది.
     రౌండ్‌టేబుల్ సమావేశంలో ఆరోగ్య సంరక్షణ, మానసిక ఆరోగ్యం, డిజిటల్ అక్షరాస్యత, విద్య మరియు మహిళా సాధికారత రంగాలకు ప్రాతినిధ్యం వహిస్తున్న ఐదు భారతీయ సముదాయాల నుంచి పాల్గొన్న ప్రతినిధులు, వాట్సాప్‌లోని కమ్యూనిటీలు తమ గ్రూపుల మధ్య సంభాషణలను సరళం చేసేందుకు, సమర్థవంతంగా, మరింత ప్రభావవంతంగా చేసేందుకు, ముఖ్యంగా అట్టడుగు స్థాయిలో ఆరోగ్యం సామాజిక ప్రభావాన్ని పెంచే పరివర్తన శక్తితో సరైన పరిష్కారాలు ఏవి అనే అంశమై సుదీర్ఘంగా చర్చించారు.
    మెటాలో గ్లోబల్ అఫైర్స్ అధ్యక్షుడు నిక్ క్లెగ్ మాట్లాడుతూ, “వాట్సప్ అనేది భారతదేశంలో ఒక జీవన విధానంగా వందల మిలియన్ల కన్నా ఎక్కువ మంది వినియోగదారులు ఉండగా, ఇది తరచుగా లక్షలాది మందికి మొదటి డిజిటల్ గేట్‌వేగా ఉంది. ఏళ్ల తరబడి, సంస్థలు, స్థానిక కమ్యూనిటీ గ్రూపులు వాట్సాప్ గుంపులను తమను తాము ఆర్గనైజ్ చేసుకునేందుకు, అర్థవంతమైన మార్గాల్లో అనుసంధానం అయ్యేందుకు వినియోగించుకోవడాన్ని మేము చూశాము. వాట్సప్ కమ్యూనిటీలు ఈ సంభాషణలను సులభం చేసుకోవడం, మరింత సమర్థవంతంగా మరియు మరింత ప్రభావవంతంగా చేయడం, వ్యక్తులను శక్తివంతం చేయడం మరియు వాటిని నిర్వహించేందుకు, కనెక్ట్ అయ్యేందుకు సహాయపడటమే మా లక్ష్యం. వాట్సప్ సరళమైన, విశ్వసనీయమైన మరియు సురక్షితమైన ప్లాట్‌ఫారమ్‌తో, కమ్యూనిటీలు తమ గ్రూపు సంభాషణలను ఒకే గొడుగు క్రింద నిర్వహించుకోగలుగుతాయి. ఇది గోప్యత, భద్రతపై రాజీ పడకుండా, ఒక సాధారణ ప్రయోజనం కోసం పని చేస్తున్నప్పుడు పనులను చేయడం వారికి సరళం చేస్తుంది – ఇది శక్తివంతమైన సాధనంగా మారుతుంది. మార్పుకు అనుగుణమైన సామాజిక ప్రభావాన్ని డ్రైవ్ చేస్తుంది’’ అని వివరించారు.
        భారతదేశంలో, వాట్సప్ కమ్యూనిటీ బిల్డర్స్ ప్రోగ్రామ్‌లో భాగంగా వాట్సప్ పది సంస్థలతో కలిసి పని చేస్తుండగా, ఇది ప్రపంచవ్యాప్తంగా 50 సంఘాలకు మాత్రమే అందుబాటులో ఉంది. ఈ కమ్యూనిటీలకు ఫీచర్‌కి ముందస్తు యాక్సెస్ అందించారు మరియు రానున్న నెలల్లో మేము ఫీచర్‌లను జోడించడం కొనసాగిస్తున్నందున రియల్ టైమ్ అభిప్రాయాన్ని అందించడంతో పాటు వారి అవసరాలను తీర్చేందుకు కమ్యూనిటీలను రూపొందించుకునేందుకు వాట్సప్ సహాయం చేస్తోంది. కమ్యూనిటీ నాయకులు తమ సంబంధిత సంస్థలకు వాట్సప్ కమ్యూనిటీల ప్రభావం మరియు ప్రయోజనాలపై విలువైన అభిప్రాయాలను పంచుకున్నారు.
అజీజ్ గుప్తా, రాకెట్ లెర్నింగ్ వ్యవస్థాపకుడు
‘‘గ్రామీణ భారతదేశంలో, మా యువ అభ్యాసకుల సంఘంలో 90% తల్లిదండ్రుల ఫోన్‌లలో ఉన్న ఏకైక యాప్ వాట్సప్.  కనుక, వారి అభ్యాస ప్రయాణంలో వారికి సహాయాన్ని చేసుందుకు మేము ఉపయోగించే ఒక స్పష్టమైన ఎంపిక ఇది. కమ్యూనిటీలు మా సంస్థకు గేమ్ ఛేంజర్‌గా ఉన్నాయి. మేము అభ్యాసకులు, ఉపాధ్యాయులను భౌగోళికంగా, నేపథ్యానికి అనుగుణంగా నిర్వహించగలము. వారి అభ్యాస స్థాయిలను గుర్తించి, ఆపై వారి నిర్దిష్ట అభ్యాస అవసరాల కోసం కంటెంట్‌ను అనుకూలీకరించవచ్చు. మేము కమ్యూనిటీస్ అనౌన్స్‌మెంట్ ఫీచర్‌తో మా సభ్యులు, తల్లిదండ్రులు మరియు ఉపాధ్యాయులను చేరుకోవచ్చు మరియు ఈ విడదీయబడిన సమూహంలో సంఘం, ఏకత్వం మరియు ప్రయోజనాల లోతైన భావాన్ని పెంపొందించడానికి ఇది ఒక ముఖ్యమైన దశగా చూడవచ్చు. కమ్యూనిటీలు తల్లిదండ్రులు  సంరక్షకులు తమ పిల్లల అభ్యాస సామగ్రిని థీమ్‌లు, గ్రేడ్‌ల ఆధారంగా మరింత నిర్మాణాత్మకంగా ఉంచేందుకు వీలు కల్పిస్తాయి. రాకెట్ లెర్నింగ్‌ను ఒకే గొడుగు కింద వివిధ తరగతులను ఉంచడానికి అనుమతిస్తుంది. ఇది ఒక పెద్ద కమ్యూనిటీ బ్యానర్‌లో ఉంచిన అన్ని గ్రేడ్‌లతో అధికారిక పాఠశాల వాతావరణాన్ని పునఃసృష్టించడంలో సహాయపడుతుంది. భారతదేశంలోని ప్రభుత్వ పాఠశాలల్లో 1 మిలియన్ మంది ఉపాధ్యాయులు, 30 మిలియన్ల తల్లిదండ్రులు, పిల్లలు చురుకుగా, క్రమంగా అభ్యాసకులుగా ఉండే భవిష్యత్తు గురించి మేము కలలు కంటున్నాము. ఇప్పటివరకు, వాట్సప్‌లోని కమ్యూనిటీలు మా రోజువారీ కార్యకలాపాలను నిర్వహించుకునేందుకు మాకు వాస్తవంగా సహాయపడ్డాయి. మేము మా లక్ష్యాన్ని సాకారం చేసుకునే దిశగా పని చేస్తున్నప్పుడు అది మాకు సహాయం చేస్తూనే ఉంటుందని మేము ఆశాభావంతో ఉన్నాము’’ అని పేర్కొన్నారు.
రాఘవేంద్ర ప్రసాద్, వ్యవస్థాపకుడు, ప్రాజెక్ట్ స్టెప్‌వన్
     ఒక సంస్థగా మేము కమ్యూనికేషన్, సమన్వయం కోసం ప్రధానంగా వాట్సప్‌పై ఆధారపడతాము 30,000 మంది వాలంటీర్లతో వందలాది వాట్సప్ గ్రూపులను కలిగి ఉన్నాము. ‘‘వాట్సాప్‌లోని కమ్యూనిటీలు’’ మాకు గొప్ప వరం. ఇది మా వద్ద ఉన్న వందలాది గ్రూపుల యాజమాన్యపు బాధ్యతలు తీసుకునేందుకు మరియు మమ్మల్ని మరింత చురుకైన, సమర్ధవంతంగా చేసే పద్ధతిలో వాటిని నిర్వహించడానికి వీలు కల్పించింది. మేము అంతర్గతంగా ఎదుర్కొన్న అతిపెద్ద సవాళ్లలో ఒకటి ‘ఏదైనా వృద్ధి అంటే పలు గ్రూపులలో పలు సందేశాలు’, కమ్యూనిటీలతో, మేము మా వాలంటీర్లందరికీ ప్రకటన సమూహంలో సందేశాన్ని పబ్లిష్ చేయవచ్చు. సరైన వృద్ధికి సరైన వ్యక్తులు ప్రతిస్పందించేలా చేయవచ్చు. ఇది మనకు విలువైన సమయాన్ని చాలా ఆదా చేస్తుంది. చాలా వేగంగా స్పందించేందుకు అనుమతిస్తుంది. ఆరోగ్య, అత్యవసర పరిస్థితులకు మరింత స్థితిస్థాపకంగా ఉండే సమాజాలను సృష్టించడం మా లక్ష్యం. సాంకేతికత, వ్యక్తులతో కలిసి మన సమాజాలలో కొన్ని గొప్ప సవాళ్లను పరిష్కరించగలదని స్టెప్‌వన్ ఇప్పటికే నిరూపించిందని మేము నమ్ముతున్నాము’’ అని విశదీకరించారు.
అరుణ్ గుప్తా, వ్యవస్థాపకుడు, పింకిషే ఫౌండేషన్
ప్రారంభ సమయం నుంచి, మా వాలంటీర్లు పలు గ్రూప్ చాట్‌లలో పరస్పరం కమ్యూనికేట్ చేసేందుకు, సమన్వయం చేసుకునేందుకు వాట్సప్‌ను ఉపయోగిస్తున్నారు. మా కార్యకలాపాలను పెంచుకునేందుకు, మా పింకిషే కమ్యూనిటీని మెరుగ్గా నిర్వహించేందుకు ‘వాట్సప్‌లో కమ్యూనిటీలు’ పూర్తిగా అవసరం అవుతాయి. మా అన్ని వాట్సప్ గ్రూపులను ఒకే సంఘం క్రిందకు తీసుకురావడం వలన ప్రయోజనం, భాగస్వామ్య విలువలను, కార్యకలాపాల సౌలభ్యాన్ని పెంపొందించడంలో సహాయపడుతుంది. రుతుక్రమ ఆరోగ్యం గురించి మాట్లాడటం ఇప్పటికీ నిషిద్ధంగా పరిగణించబడుతుంది. చాలా మంది మహిళలు తమ గోప్యతకు హామీని కలిగి ఉన్నట్లయితే తప్ప ఆ అంశం గురించి మాట్లాడరు. ఈ సంభాషణలను ప్రయివేట్, సురక్షితమైన ప్లాట్‌ఫారమ్‌లో చేయడం మాకు చాలా కీలకం. వాట్సప్ ఆ ప్రైవేట్ మరియు సురక్షితమైన స్థలానికి సంబంధించిన హామీని అందిస్తుంది. మేము 100,000 మంది ఋతు సంబంధ అధ్యాపకుల సంఘాన్ని తయారు చేయాలన్న లక్ష్యంతో, వారు ప్రతి ఏడాది లక్షలాది మంది యుక్తవయస్సులోని బాలికలకు రుతుక్రమ ఆరోగ్యం, పరిశుభ్రతపై శిక్షణ ఇవ్వాలని అనుకుంటున్నాము. మేము వాట్సప్‌లో కమ్యూనిటీలను మా పరిధిని మరింత విస్తరించేందుకు, సంభాషణలను ప్రారంభించడానికి, న్యాయవాదాన్ని నిర్మించేందుకు, విద్యను వ్యాప్తి చేసేందుకు, రాబోయే దశాబ్దంలో పేదరికాన్ని పూర్తిగా అంతమొందించేందుకు టూల్స్, లక్షణాలను ఉపయోగించుకునేందుకు సాధనంగా చూస్తాము’’ అని పేర్కొన్నారు.
సుభా రామ్, డైరెక్టర్, గుర్గావ్ మామ్స్
వివిధ కారణాలతో సోషల్ మీడియాలో నిష్క్రియంగా ఉన్న సీనియర్ సిటిజన్లు వంటి సభ్యులను చేరుకునేందుకు వాట్సప్ కమ్యూనిటీలు మాకు సహాయం చేశాయి. మేము సమన్వయం, కమ్యూనికేషన్‌ను సరళం చేసుకుంటూ, వివిధ టాస్క్ గ్రూపులుగా మమ్మల్ని వ్యవస్థీకరించుకోగలుగుతాము. కమ్యూనికేషన్ మరింత వ్యవస్థీకృతంగా మరియు ప్రభావవంతంగా మారింది. భారతదేశం లాంటి దేశంలో, వాట్సప్ వ్యాప్తి చాలా ఎక్కువగా ఉంది. ఇతర సోషల్ మీడియా ప్లాట్‌ఫారమ్‌లలో చురుకుగా లేని వ్యక్తులను చేరుకోవడానికి కమ్యూనిటీ చక్కగా సహాయపడుతుంది.
            వాట్సప్ కమ్యూనిటీల గురించి మరింత తెలుసుకోవడానికి, మీరు మా వెబ్‌సైట్‌లోని Community Learning Centreని సందర్శించవచ్చు. ఇందులో వాట్సప్‌లో కమ్యూనిటీని ఎలా ప్రారంభించాలో ఉపయుక్తమూర సమాచారం ఉంది. సురక్షిత అనుభవాలు, అధునాతన కమ్యూనిటీ మేనేజ్‌మెంట్ మరియు ట్యుటోరియల్‌లను రూపొందించడంలో అడ్మిన్‌లకు వనరులకు ప్రాప్యతను అందిస్తుంది.