హైదరాబాద్‌ : తెలంగాణ స్టేట్‌ ఎనర్జీ కన్సర్వేషన్‌ అవార్డ్‌ 2022లో గ్రాన్యూల్స్‌ ఇండియాకు రెండవ స్థానం దక్కినట్లు ఆ సంస్థ తెలిపింది. మంగళవారం హైదరాబాద్‌లో రాష్ట్ర రెన్యూయబుల్‌ ఎనర్జీ డెవలప్‌మెంట్‌ కార్పొరేషన్‌ లిమిటెడ్‌ 2022 అవార్డుల ప్రధానోత్సవం జరిగింది. ఈ కార్యక్రమంలో విద్యుత్‌ శాఖ మంత్రి జగదీశ్వర్‌ రెడ్డి అవార్డులను ప్రధానం చేశారు. ద్వితీయ స్థానంలో నిలిచిన గ్రాన్యూల్స్‌ ఇండియా కంపెనీ ఇంజనీరింగ్‌ అండ్‌ సీనియర్‌ మేనేజర్‌ ఎలక్ట్రికల జిఎం బంగారు బాబు, సీనియర్‌ మేనేజర్‌ వెంకటేశ్వర రావులు మంత్రి జగదీశ్వర్‌ రెడ్డి చేతుల మీదుగా అవార్డును అందుకున్నారు. ఈ సంస్థ గత ఆర్థిక సంవత్సరం 2021-22లో 20 లక్షల యూనిట్ల విద్యుత్‌ను, 8300 ఎంటీల కర్బన ఉద్గారాలను నివారించడంలో సఫలమైంది.