నవతెలంగాణ - హైదరాబాద్
భారతదేశపు అతిపెద్ద స్కూల్‌ ఎడ్‌టెక్‌ కంపెనీ లీడ్‌, తమ లీడ్‌ చాంఫియన్‌షిప్‌ 2022 విజేతలను వెల్లడించింది. లీడ్‌ పవర్డ్‌ స్కూల్‌ విద్యార్ధుల కోసం ప్రత్యేకమైన, జాతీయ స్థాయి వేదిక ఇది. లీడ్‌ చాంఫియన్‌షిప్‌ 2022 ను భారతదేశ వ్యాప్తంగా 3000కు లీడ్‌ భాగస్వామ్య స్కూల్స్‌లోని 1.2 మిలియన్‌ల 9వ తరగతి లోపు ప్రీ ప్రైమరీ స్కూల్‌ విద్యార్థులకు నిర్వహించారు. లీడ్‌ కో–ఫౌండర్‌ మరియు సీఈఓ సుమీత్‌ మెహతా మాట్లాడుతూ ‘‘లీడ్‌ చాంఫియన్‌షిప్‌ 2022 విజేతలకు హృదయపూర్వకంగా అభినందనలు తెలుపుతున్నాను. దేశవ్యాప్తంగా వేలాది మంది విద్యార్దులతో పోటీపడి విజయం సాధించడం సాధారణ అంశమేమీ కాదు. మరీ ముఖ్యంగా చిన్న పట్టణాల విద్యార్ధులు ! వారి అంకిత భావం, నమ్మకం, కష్టం, సహజసిద్ధమైన ప్రతిభకు ఈ చాంఫియన్‌షిప్‌ నిదర్శనంగా నిలుస్తుంది. లీడ్‌ విద్యార్ధుల సమగ్ర అభివృద్ధి ప్రయాణంలో భాగం కావడాన్ని ఓ గౌరవంగా భావిస్తున్నాము’’ అని అన్నారు.
మాంటెస్సోరీ పెంగ్విన్‌ స్కూల్‌కు చెందిన దార్ల తనిష్క్‌ మాట్లాడుతూ ‘‘లీడ్‌ చాంఫియన్‌షిప్‌ 2022 లో విజేతగా నిలవడం ఆనందంగా ఉంది. మా టీచర్ల మద్దతు, మార్గనిర్దేశనం కారణంగానే ఈ విజయం సాధ్యమైంది. ఈ చాంఫియన్‌షిప్‌ కు సిద్ధం కావడం వల్ల మరింతగా కాన్సెప్ట్స్‌ను అర్ధం చేసుకోగలిగాను. అలాగే ఎలా మాట్లాడాలి, నా సృజనాత్మక నైపుణ్యాలను మెరుగుపరుచుకోవాలో కూడా తెలుసుకున్నాను’’ అని అన్నారు. మాంటెస్సోరీ పెంగ్విన్‌ స్కూల్‌ డైరెక్టర్‌ శ్రీ నాగార్జున మాట్లాడుతూ ‘‘మా విద్యార్ధి దార్ల తనిష్క్‌ లీడ్‌ చాంఫియన్‌షిప్‌ 2022 వద్ద సాధించిన విజయం పట్ల సంతోషంగా ఉన్నాము. దార్ల కష్టం, అంకితభావానికి తగిన ప్రతిఫలమిది. తమ సహచర విద్యార్థులకూ స్ఫూర్తిగా అతను నిలిచాడు. ఈ తరహా జాతీయ స్ధాయి పోటీలు కారణంగా వారు తమ ఆత్మవిశ్వాసం మెరుగుపరుచుకోగలరు. లీడ్‌తో భాగస్వామ్యం చేసుకోవడం వల్ల భావి విద్యావసరాలను తీర్చే రీతిలో సిద్ధం కావడంలో సహాయపడింది’’ అని అన్నారు. లీడ్‌ చాంఫియన్‌షిప్‌ 2022 విజేతలకు 10 లక్షల రూపాయలకు పైగా విలువైన బహుమతులు లభించాయి. వీటిలో ల్యాప్‌టాప్‌లు, ట్యాబ్‌లు, గుడీస్‌ తదితరాలు ఉన్నాయి. దీనితో పాటుగా ప్రతిష్టాత్మక లీడ్‌ చాంఫియన్‌షిప్‌ ట్రోఫీ కూడా అందించారు. దాదాపు 8వేల మంది విద్యార్థులకు డిజిటల్‌ పార్టిసిపేషన్‌ సర్టిఫికెట్లను సైతం అందించారు.
