హైదరాబాద్: బ్యాంక్ ఆఫ్‌ మహారాష్ట్ర నికర లాభాలు రెట్టింపు అయ్యాయి. ప్రస్తుత ఆర్థిక సంవత్సరం డిసెంబర్‌తో ముగిసిన మూడో త్రైమాసికం (క్యూ3)లో ఈ ప్రభుత్వ రంగ బ్యాంక్ లాభాలు 139 శాతం పెరిగి రూ.775 కోట్లకు చేరాయి. ముఖ్యంగా నికర వడ్డీ ఆదాయం, మొండి బాకీల కేటాయింపులు తగ్గడం బ్యాంక్ ఆకర్షణీయ ఫలితాలకు కారణమని పేర్కొంది. పూణె కేంద్రంగా పని చేస్తున్న ఈ బ్యాంక్ 2021-22 క్యూ3లో రూ.325 కోట్ల లాభాలు నమోదు చేసింది. గడిచిన క్యూ3లో బ్యాంక్ నికర వడ్డీ ఆదాయం 30 శాతం పెరిగి రూ.1,980 కోట్లుగా నమోదయ్యింది. ఇంతక్రితం ఏడాది ఇదే త్రైమాసికంలో రూ.1,527 కోట్ల ఎన్‌ఐఐ చోటు చేసుకుంది.
మీ స్నేహితులకు రికమెండ్ చెయ్యండి
