హైదరాబాద్ : తెలంగాణా కేంద్రంగా కార్యకలాపాలు నిర్వహిస్తున్న ప్రీమియం డి2సి డెయిరీ బ్రాండ్‌ సిద్స్‌ ఫార్మ్‌ పాల ధరలను మరోసారి పెంచింది. ఫిబ్రవరిలోనే అర లీటర్‌ పాలపై రూ.2 పెంచగా.. తాజాగా ఎ2 గేదె పాల ధరను మరో రూ.3 పెంచి రూ.55కి చేర్చింది. ఎ2 డబుల్‌ టోన్డ్‌ గేదె పాల ధరను రూ.44గా నిర్ణయించినట్టు ఆ సంస్థ సోమవారం ఓ ప్రకటనలో తెలిపింది. కాగా.. ఆవు పాల ధరల్లో ఎలాంటి మార్పు చేయ లేదని పేర్కొంది. ఆరు నెలలుగా ముడి సరుకుల ధరలు భారీగా పెరగడం తో పాటుగా ఎ2 గేదె పాల నాణ్యతను పెంచడానికి ధరలు పెంచాల్సి వచ్చిందని సిద్స్‌ ఫార్మ్‌ ఫౌండర్‌ డాక్టర్‌ కిశోర్‌ ఇందుకూరి తెలిపారు.
మీ స్నేహితులకు రికమెండ్ చెయ్యండి
