Authorization
Mon Jan 19, 2015 06:51 pm
న్యూఢిల్లీ: దేశీయంగా కార్ల అమ్మకాల్లో వృద్ధి కొనసాగుతూ వస్తోంది. గత (ఆగస్టు) నెలలో కార్ల అమ్మకాలు 11.8శాతం వృద్ధితో 1,77,829 వాహనాల నుంచి 1,98,811 వాహనాలకు పెరిగా యని సొసైటీ ఆఫ్ ఇండి యన్ ఆటోమొబైల్ మ్యానుఫ్యాక్చర్స్ (సియామ్) వెల్లడించింది. దేశీయంగా ప్రయాణ వాహనాల అమ్మకాలు 13.76 శాతం వృద్ధితో 2,94,335 యూనిట్లకు చేరాయి. కిందటి నెలలో మోటార్సైకిల్ విక్రయాలు 12.93 శాతం వృద్ధితో 10,05,654 యూనిట్ల నుంచి 11,35,699 యూనిట్లకు ఎగిశాయి. కాగా ఆగస్టు నెలలో మొత్తం మోటార్ సైకిల్ అమ్మకాలు 16,48,871 యూనిట్ల నుంచి 14.69 శాతం వృద్ధితో 18,91,062 యూనిట్లకు పెరిగాయని తెలిపింది. వాణిజ్య వాహనాల విక్రయాలు 23.22 శాతం పెరిగి 65,310 యూనిట్లకు ఎగబాకినట్టుగా సియామ్ పేర్కొంది. అన్ని రకాల క్యాటగిరీ వాహనాల అమ్మకాలు 14.49శాతం వృద్ధితో 23,02,158 యూనిట్లుగా నమోదు అయ్యాయి.