Authorization
Mon Jan 19, 2015 06:51 pm
న్యూఢిల్లీ: సంఘటిత రంగంలోని ఉద్యోగులు వివిధ కారణాలతో కొలువులు మారినా.. వారి ఉద్యోగ భవిష్య నిధి (ఈపీఎఫ్వో) ఖాతాల మార్పునకు ఇబ్బందులు లేకుండా చూసేందుకు గాను ఈపీఎఫ్వో కొత్త విధానానికి శ్రీకారం చుట్టింది. కొలువు మారగానే సదరు ఉద్యోగి ఈపీఎఫ్వో నిధులు కొత్త ఖాతాలోకి మారిపోయేలా భవిష్యనిధి సంస్థ చర్యలు చేపట్టింది. తమ పీఎఫ్ నిధుల బదలాయింపునకు ఇప్పటి వరకు ఉద్యోగులు ఫారమ్-13 ద్వారా దరఖాస్తు చేసుకోవడంతో పాటు.. వాటిని కొత్త ఖాతాలలోకి మార్చుకొనేందుకు చాలా ఇబ్బంది పాడాల్సి వచ్చేది. వీటన్నింటిని తొలగించేందుకు గాను ఈపీఎఫ్వో సంస్థ కొత్తగా కాంపోజిట్ ఫారమ్-11ను అందుబాటులోకి తీసుకువచ్చింది. ఇందులో ఉద్యోగి తన కొత్త ఉద్యోగ వివరాలతో పాటు పాత ఈపీఎఫ్వో ఖాతా సమాచారాన్ని సంబంధిత డిక్లరేషన్, బ్యాంకు ఖాతాల వివరాలు, ఆధార్ నంబరుతో కొత్త యాజమాన్య సంస్థ ద్వారా అందిస్తే చాలు.. స్వల్ప కాలంలోనే సదరు ఉద్యోగి సొమ్ము కొత్త ఖాతాలోకి మారిపోతుందని ఈపీఎఫ్వో అధికారులు చెబుతున్నారు. ఇలా ఉద్యోగి ఎన్ని కొలువులు మారినా ఇబ్బంది లేకుండా వ్యవస్థలో ఏర్పాట్లు చేసినట్టుగా వారు వివరిస్తున్నారు.