Authorization
Mon Jan 19, 2015 06:51 pm
అలసత్వం, అమర్యాదక ప్రవర్తనే కారణమట..
- ఆరోపణలను పూర్తిగా ఖండించిన బన్సాల్..
- కొత్త సీఈవోగా సీఈవోగా కళ్యాణ్ కృష్ణమూర్తి
ముంబయి: ఈ-కామర్స్ దిగ్గజం ఫ్లిప్కార్ట్ సహ వ్యవస్థాపకుడు, గ్రూప్ సీఈవో బిన్నీబన్సల్ (37) అనూహ్యంగా తన పదవికి రాజీనామా చేశారు. విధి నిర్వహణలో అలసత్వం, తోటి సిబ్బందితో అమర్యా దకర ప్రవర్తన తదితర ఆరోపణలు వెల్లువెత్తడంతో బిన్నీ రాజీనామా చేసినట్టు సమాచారం. కంపెనీ ప్రధాన వాటాదారుగా ఉన్న వాల్మార్ట్ ఈ అంశంపై స్పందిస్తూ... రాజీనామా నిజమేనని.. అయితే తనపై వచ్చిన ఆరోపణలను బిన్నీ ఖండించారని తెలిపింది. దీనిపై పూర్తి విచారణ చేపడుతున్నట్టు మీడియాకు ఓ ప్రకటన విడుదల చేసింది. బిన్నీ బన్సల్ వ్యక్తిగత ప్రవర్తన సరిగా లేదంటూ ఈ మధ్య కాలంలో ఆరోపణలతో వెల్లువెత్తాయి. కానీ ఈ ఆరోపణలను బిన్సీ బన్సాల్ తోసిపుచ్చారు. అయితే ఈ ఆరోపణలపై ఫ్లిప్కార్ట్, వాల్మార్ట్ సంయుక్తంగా స్వతంత్ర విచారణ చేపట్టాయి. బన్సల్ ఆరోపణలను తిరస్కరించినప్పటికీ తాము విచారణ చాలా జాగ్రత్తగా, నిశితంగా చేశామని వాల్మార్ట్ అధికార ప్రతినిధి ఒకరు తెలిపారు. అదే సమయంలో బిన్నీపై చెలరేగిన ఆరోపణలపై సాక్ష్యం కనుగొన లేకపోయి నప్పటికీ, తీర్పులో ఇతర లోపాలను, ముఖ్యంగా బిన్నీ సమాధానంలో పారదర్శకత లేని కారణంగా బిన్నీ రాజీనామాను ఆమోదించామని తెలిపింది వాల్మా ర్ట్ తెలిపింది. ఫ్లిప్కార్ట్ గ్రూపు సీఈవోగా కళ్యాణ్ కృష్ణమూర్తి కొనసాగుతారని ప్రకటించింది.
వ్యవస్థాపకులిద్దరూ అవుట్..
అమెజాన్ మాజీ ఉద్యోగులైన సచిన్ బన్సాల్, బిన్నీ బన్సాల్ 2011లో ఫ్లిప్కార్ట్ను స్థాపించిన సంగతి తెలిసిందే. ఇటీవల ప్రపంచ వ్యాపార దిగ్గజంవాల్మార్ట్ ఫ్లిప్కార్ట్లో 77శాతం వాటాను కొనుగోలు చేయడంతో సచిన్ బన్సల్ తన పూర్తి వాటాను అమ్ముకొని వెళ్లిపోగా.. బిన్నీ బన్సల్ మాత్రం సీఈవోగా ఉన్నారు. ఈ-కామర్స్ మార్కె ట్లో మెగాడీల్గా పేరొందిన ఈ ఒప్పందం జరిగిన కొన్ని నెలల వ్యవధిలోనే తాజా పరిణామం చోటు చేసుకోవడం విశేషం. దీంతో ఫౌండర్లు ఇద్దరూ కంపెనీని వీడినట్టయింది. ఫ్లిప్కా ర్ట్లో ప్రత్యేక ప్లాట్ ఫాంలుగా ఉన్న మింత్రా, జబాంగ్ ను త్వరలోనే విలీనం చేయనున్నారు.
బోర్డు సభ్యుడిగా కొనసాగుతా..
తన రాజీనామా విషయమై బిన్నీ బన్సల్ ప్రకటన విడుదల చేస్తూ కొన్ని వ్యక్తిగత కారణాల రీత్యా రాజీనామా చేయాలని నిర్ణయించుకున్నానని తెలిపారు. అలాగే తనపై వచ్చిన ఆరోపణలను ఖండిస్తున్నానని వెల్లడించారు. ఇది తనకు, తనర కుటుంబానికి పరీక్ష సమయమని బన్నీ ఆవేదన వ్యక్తం చేశారు. సీఈవోగా రాజీనామా చేసినా ఫ్లిప్కార్ట్లో వాటాదారుడిగా, బోర్డు ఆఫ్ డైరెక్టర్స్ సభ్యుడిగా కొనసాగుతానని తెలిపారు.