Authorization
Mon Jan 19, 2015 06:51 pm
'ఓ నటుడు ఏ పాత్రనైనా పోషించగలడు. కానీ ప్రేక్షకులను నవ్వించడం మాత్రం అంత ఈజీ కాదు. నా మార్క్ సినిమాగా రూపొందిన 'బంగారు బుల్లోడు'తో ఈ కొత్త సంవత్సరం ప్రేక్షకుల ముందుకు రావడం చాలా ఆనందంగా ఉంది' అని కథానాయకుడు అల్లరినరేష్ చెప్పారు.
అల్లరినరేష్ కథానాయకుడిగా నటించి చిత్రం 'అల్లరిబుల్లోడు'. ఈనెల 23న ఈ సినిమా థియేటర్లలో విడుదలవుతోంది. ఈ నేపథ్యాన్ని పురస్కరించుకుని హీరో అల్లరినరేష్ గురువారం మీడియాకి ఇచ్చిన ఇంటర్వ్యూ విశేషాలు..
'బంగారు బుల్లోడు' టైటిల్ పెట్టడానికి రీజన్?
- ఈ సినిమాలో నా పాత్ర బంగారం లోన్స్ చుట్టూనే తిరుగుతుంది. ఓ రోజు మా ప్రొడ్యూసర్ అనీల్ సుంకర కథాపరంగా ఈ సినిమాకి 'బంగారు బుల్లోడు' టైటిల్ పెడితే బాగుంటందని సజెస్ట్ చేశారు. టైటిల్ మా అందరికీ నచ్చి ఫిక్స్ చేశాం. అయితే బాలకష్ణగారి 'బంగారు బుల్లోడు'కి ఈ సినిమాకి ఎలాంటి సంబంధం ఉండదు.
ఈ కథలో మీకు బాగా నచ్చిన అంశం ఏంటి?
- విలేజ్ కామెడీ సినిమా వచ్చి చాలా కాలం అయ్యింది. గతంలో నేను కొన్ని కామెడీ సినిమాలు చేశాను. కానీ చిన్న టౌన్స్ తరహా నేపథ్యంలో ఉన్నవి చేశా. ఈ కథ విన్నాక నా మార్క్ ఎంటర్టైన్మెంట్తో పాటు విలేజ్ బ్యాక్డ్రాప్ నాకు బాగా నచ్చింది. దీంతో గ్రీన్సిగల్ ఇచ్చేశా.
ఈ సినిమాలోనూ స్పూఫ్ కామెడీ ఉంటుందా?
- గతంలో స్పూఫ్ కామెడీని ప్రేక్షకులు బాగా ఎంజారు చేశారు. కానీ ఇప్పుడు కామెడీ విషయంలోనూ చాలా మార్పులు వచ్చాయి. అందుకే ఎలాంటి స్పూఫ్ కామెడీని ఈ సినిమాలో పెట్టలేదు.
దర్శకుడు గిరితో వర్క్ ఎక్స్పీరియన్స్ ఎలా ఉంది?
- ఆయన చాలా పట్టుదల గల దర్శకుడు. ప్రతీ అంశం పర్ఫెక్ట్గా ఉండాలనుకుంటారు. మా నిర్మాత ఈ సినిమాని ఎలా అయితే కోరుకున్నారో అలాగే ఈ సినిమాని మంచి ప్రొడక్షన్ వాల్యూస్తో చేశారు.
'మహర్షి'లో మాదిరిగా పాత్రలు వస్తే నటిస్తారా?
- తప్పకుండా. అయితే పాత్ర కచ్చితంగా నాకు నచ్చాలి.
కామెడీ, సీరియస్ వీటిల్లో లాంగ్ కెరీర్గా దేన్ని ఎంచుకుంటారు?
- నేను ఇక్కడ ఎక్కువ కాలం ట్రావెల్ అవ్వడానికే వచ్చాను. అందుకే కంటెంట్ ఉన్న 'నాంది' లాంటి సినిమా చేశాను. అందులో చాలా కొత్తగా కనిపిస్తాను. మధ్య మధ్యలో సీరియస్ పాత్రలు చేసినా ఫైనల్గా నా ఓటు మాత్రం కామెడీ సినిమాలకే.