అజయ్‌ ప్రధాన పాత్రలో నటిస్తున్న మర్డర్‌ మిస్టరీ క్రైమ్‌ థ్రిల్లర్‌ 'చక్రవ్యూహం' -ది ట్రాప్‌ అనేది ఉపశీర్షిక. చెట్కూరి మధుసూధన్‌ దర్శకత్వంలో సహస్ర క్రియేషన్స్‌ బ్యానర్‌పై సావిత్రి నిర్మిస్తున్న ఈ సినిమా అన్ని కార్యక్రమాలు పూర్తి చేసుకుని జూన్‌ 2న విడుదలకు సిద్ధమైంది. ఈ నేపథ్యంలో మేకర్స్‌ టీజర్‌ను గ్రాండ్‌గా విడుదల చేశారు. ఇటీవల విడుదలైన 'విరూపాక్ష' సినిమాలో తన విలక్షణమైన నటనతో అందరిని ఆకట్టుకున్న అజరు ఈ సినిమాలో పవర్‌ ఫుల్‌ పోలీస్‌ రోల్‌లో కనిపించనున్నారు. 1:05 నిడివి గల ఈ టీజర్‌ ఆద్యంతం ఆసక్తికరంగా ఉంది. అద్భుతమైన విజువల్స్‌తో అదిరిపోయే బ్యాక్‌గ్రౌండ్‌ స్కోర్‌తో ఈ టీజర్‌ అందర్నీ ఆకట్టుకుంటోంది. ఈ సందర్భంగా దర్శకుడు మధు సూధన్‌ మాట్లాడుతూ,'సూపర్‌ స్టార్‌ కృష్ణ విడుదల చేసిన మా చిత్ర ఫస్ట్‌లుక్‌కు ప్రేక్షకుల నుండి అద్భుతమైన రెస్పాన్స్‌ వచ్చింది. టీజర్‌కి కూడా మంచి స్పందన లభించడం హ్యాపీగా ఉంది' అని తెలిపారు.
