స్వప్న సినిమా నిర్మాణంలో సంతోష్‌ శోభన్‌, మాళవిక నాయర్‌ ప్రధాన పాత్రలలో రూపొందిన కంప్లీట్‌ ఫ్యామిలీ ఎంటర్‌ టైనర్‌ 'అన్నీ మంచి శకునములే'. మిత్ర విందా మూవీస్‌తో కలిసి ప్రియాంక దత్‌ ఈ చిత్రాన్ని నందిని రెడ్డి దర్శకత్వంలో నిర్మించారు. ఈనెల 18న ఈ సినిమా ప్రేక్షకుల ముందుకు రాబోతున్న నేపథ్యంలో ఈ చిత్రంలో కీలక పాత్ర పోషించిన సీనియర్‌ నటి గౌతమి మీడియాతో ముచ్చటించారు. 'ఇందులో నా పాత్ర పేరు మీనాక్షి. చాలా లవ్లీ క్యారెక్టర్‌. ఒక డ్రీమ్‌ మదర్‌, వైఫ్‌, ఫ్రెండ్‌ ఎలా ఉండాలని వుంటుందో మీనాక్షి పాత్ర అలా ఉంటుంది. తను ఫ్యామిలీని అద్భుతంగా బ్యాలెన్స్‌ చేస్తుంది. కథాపరంగా కూడా ఆద్యంతం ఆహ్లాదకరంగా ఉండే సినిమా ఇది. ఇంటిల్లిపాది హ్యాపీగా చూడొచ్చు. ఇందులో రాజేంద్రప్రసాద్‌, నరేష్‌, షావుకారు జానకీ, ఊర్వశి ..ఇలా అందరితో కలిసి నటించడం చాలా హ్యాపీగా ఉంది. అలాగే మహిళా దర్శకురాలు, మహిళా నిర్మాత.. చేసిన సినిమా కావడం కూడా విశేషమే. ప్రస్తుతం బోయపాటి శ్రీను సినిమా చేస్తున్నాను. అలాగే ఒక వెబ్‌ సిరీస్‌ పూర్తయింది. అలాగే అమెజాన్‌ కోసం మరో వెబ్‌ సిరీస్‌ చేస్తున్నాను. ఇంకా కొన్ని ప్రాజెక్ట్స్‌ ఉన్నాయి.
