సస్పెన్స్‌, క్రైమ్‌ థ్రిల్లర్‌ జోనర్‌లో వచ్చే సినిమాల్లో రొమాంటిక్‌, లవ్‌ ట్రాక్‌ సాంగ్స్‌ ఎక్కువగా ఉండవు. కానీ 'అథర్వ' చిత్రంలో అన్ని రకాల ఎమోషన్స్‌, సాంగ్స్‌ ఉన్నాయి. తాజాగా ఈ చిత్రం నుంచి ఓ క్యాచీ పాటను మేకర్లు విడుదల చేశారు. నూతల పాటి నరసింహం, అనసూయమ్మ సమర్పణలో పెగ్గో ఎంటర్‌టైన్‌మెంట్స్‌ బ్యానర్‌పై ఈ చిత్రం రూపొందుతోంది. ఈ సినిమాలో కార్తీక్‌రాజు, సిమ్రాన్‌ చౌదరి, ఐరా హీరో,హీరోయిన్లుగా నటిస్తున్నారు. మహేష్‌రెడ్డి దర్శకత్వం వహిస్తుండగా సుభాష్‌ నూతలపాటి నిర్మిస్తున్నారు.
విజయ, ఝాన్సీ ఎగ్జిక్యూటివ్‌ ప్రొడ్యూసర్స్‌గా వ్యవహరిస్తున్నారు. అన్ని కార్యక్రమాలు పూర్తి చేసుకున్న ఈ సినిమాని తెలుగు, తమిళ, కన్నడ, మలయాళ భాషల్లో ఏకకాలంలో ఎంతో గ్రాండ్‌గా రిలీజ్‌ చేసేందుకు సన్నాహాలు చేస్తున్నారు.మ్యూజిక్ డైరెక్టర్‌ శ్రీ చరణ్‌ పాకాల పుట్టిన రోజు సందర్భంగా ఈ సినిమా నుంచి 'రింగా రింగా రోసే.. పిల్లా నిన్ను చూసే..' సాంగ్‌ను చిత్రబందం విడుదల చేసింది. శ్రీచరణ్‌ పాకాల బాణీ, కిట్టు విస్సాప్రగడ సాహిత్యం, జావెద్‌ అలీ గాత్రం అన్నీ చక్కగా కుదిరాయి. ఇక డ్యాన్స్‌ మాస్టర్‌ రాజ్‌ కష్ణ కొరియోగ్రఫీ చూడచక్కగా ఉంది. ఈ సాంగ్‌ రిలీజ్‌ ఈవెంట్‌లో దర్శక, నిర్మాతలు మాట్లాడుతూ,'మేం విడుదల చేసిన టీజర్‌కు ప్రేక్షకులనుండి మంచి రెస్పాన్స్‌ వచ్చింది. ఆ టీజర్‌లోనే ఇది ఒక ఇన్వెస్టిగేషన్‌ థ్రిల్లర్‌ అని తెలియజేశాం. హీరో చిన్నతనం నుండి హీరోయిన్‌ను ప్రేమిస్తుంటాడు కానీ చెప్పలేక పోతాడు. ఆలా తన ఫీలింగ్‌ను సినిమాలో ఈ పాటతో చెప్పే ప్రయత్నం చేస్తాడు' అని అన్నారు.
