Authorization
Mon Jan 19, 2015 06:51 pm
సత్యదేవ్ హీరోగా నటిస్తున్న తాజా చిత్రం 'తిమ్మరుసు'. 'అసైన్మెంట్ వాలి' అనేది ట్యాగ్లైన్. ప్రియాంక జవాల్కర్ హీరోయిన్. ఈస్ట్కోస్ట్ ప్రొడక్షన్స్ బ్యానర్ పై మహేశ్ కోనేరుతో పాటు ఎస్ ఒరిజినల్స్ బ్యానర్పై సజన్ ఎరబోలు సంయుక్తంగా నిర్మిస్తున్నారు. శరణ్ కొప్పిశెట్టి దర్శకత్వం వహించిన ఈ చిత్రాన్ని మే 21న విడుదల చేస్తున్నారు.
ఈ సందర్భంగా నిర్మాతలు మాట్లాడుతూ,'ఈ సినిమా చిత్రీకరణ మొత్తం పూర్తయ్యింది. ప్రస్తుతం పోస్ట్ ప్రొడక్షన్ కార్యక్రమాలు జరుగుతున్నాయి. ఇందులో పవర్పుల్ లాయర్గా సత్యదేవ్ నటిస్తున్నారు. ఆయన లుక్, క్యారెక్టర్ డిజైనింగ్ చాలా కొత్తగా ఉంటుంది. దర్శకుడు శరణ్ కొపిశెట్టి పక్కా ప్లానింగ్తో సినిమాని శరవేగంగా పూర్తి చేశారు. ఈ సినిమా టీజర్కి చాలా మంచి రెస్పాన్స్ వచ్చింది. తప్పకుండా సినిమాలో ప్రేక్షకులు కోరుకునే కమర్షియల్ ఎలిమెంట్స్, వినోదంతో పాటు మంచి సందేశం కూడా ఉంటుంది. మే 21న ఈ చిత్రాన్ని ప్రేక్షకుల ముందుకు తీసుకురాబోతున్నాం' అని చెప్పారు. సత్యదేవ్, ప్రియాంక జవాల్కర్, బ్రహ్మాజీ, అజరు, అల్లరి రవి బాబు, అంకిత్, ప్రవీణ్, ఆదర్శ్ బాలకష్ణ, ఝాన్సీ, వైవా హర్ష, సంధ్యా జనక్ నటిస్తున్న ఈ చిత్రానికి సంగీతం: శ్రీచరణ్ పాకాల, సినిమాటోగ్రఫీ: అప్పూ ప్రభాకర్, ఆర్ట్: కిరణ్ కుమార్ మన్నె, యాక్షన్: వెంకట్ మాస్టర్, రియల్ సతీశ్.