రవితేజ, 'రాక్షసుడు' ఫేమ్‌ రమేష్‌ వర్మ కాంబినేషన్‌లో రూపొందుతున్న హై ఓల్టేజ్‌ యాక్షన్‌ ఎంటర్‌టైనర్‌ 'ఖిలాడి'. ఉగాది కానుకగా ఈ చిత్ర టీజర్‌ను చిత్ర బృందం సోమవారం విడుదల చేసింది. 'యాక్షన్‌ ప్యాక్డ్‌ కమర్షియల్‌ ఎంటర్‌టైనర్‌గా ఈ సినిమా ప్రేక్షకులతోపాటు రవితేజ అభిమానులను అలరించ నుందని టీజర్‌ చెప్పకనే చెబుతోంది. యాక్షన్‌, హైఇంటెన్స్‌ ఎమోషన్స్‌తో పాటు రొమాన్స్‌, థ్రిల్లింగ్‌ ఎలిమెంట్స్‌తో టీజర్‌ ఆద్యంతం ఆకట్టు కుంటోంది. సుజిత్‌ వాసుదేవ్‌, జి.కె.విష్ణు సినిమాటో గ్రఫీ, దేవిశ్రీప్రసాద్‌ బ్యాక్‌గ్రౌండ్‌ మ్యూజిక్ ఈ టీజర్‌కి మేజర్‌ అసెట్స్‌. రవితేజ ఇంటెన్స్‌ యాక్టింగ్‌, భారీ బడ్జెట్‌తో రూపొందినందున ప్రతీ ఫ్రేమ్‌ లావీష్‌గా కనిపిస్తోంది. రవితేజ ద్విపాత్రాభినయం చేస్తున్న ఈ చిత్రానికి సత్యనారాయణ కోనేరు నిర్మాత. డా.జయంతీ లాల్‌ గడ సమర్పణలో ఏ స్టూడియోస్‌తో కలిసి బాలీవుడ్‌ నిర్మాణ సంస్థ పెన్‌ స్టూడియోస్‌ ఈ సినిమాని నిర్మిస్తోంది. హవీష్‌ ప్రొడక్షన్‌లో రూపుదిద్దుకుంటున్న ఈ మూవీకి 'ప్లే స్మార్ట్‌' అనేది ట్యాగ్‌లైన్‌. ఉన్నత స్థాయి టెక్నికల్‌ విలువలతో ఈ చిత్రాన్ని ఆద్యంతం ఉత్కంఠభరితంగా దర్శకుడు రమేష్‌ వర్మ తీర్చిదిద్దుతున్నారు. ఎక్కడా కాంప్రమైజ్‌కాకుండా భారీ బడ్జెట్‌తో గ్రాండ్‌గా నిర్మాత కోనేరు సత్యనారాయణ తెరకెక్కిస్తున్నారు. శ్రీకాంత్‌ విస్సా, దేవిశ్రీ ప్రసాద్‌ సోదరుడు సాగర్‌ డైలాగ్స్‌ రాస్తున్న ఈ చిత్రానికి శ్రీమణి సాహిత్యం అందిస్తున్నారు. అమర్‌ రెడ్డి ఎడిటర్‌గా పనిచేస్తున్నారు. ఈ చిత్రానికి సౌత్‌ ఇండిస్టీలోని నలుగురు టాప్‌ ఫైట్‌ మాస్టర్లు రామ్‌-లక్ష్మణ్‌, అన్బు-అరివు మాస్టర్స్‌ యాక్షన్‌ కొరియోగ్రఫి చేస్తుండటం విశేషం' అని చిత్ర బృందం తెలిపింది. రవితేజ, మీనాక్షి చౌధరి, డింపుల్‌ హయతి, అర్జున్, థాకూర్‌ అనూప్‌ సింగ్‌, మురళి శర్మ, అనసూయ భరద్వాజ్‌ నటిస్తున్నారు.
