ప్రతిమ ప్రొడక్షన్స్‌ పతాకంపై అభిరామ్‌, వెన్నెల జంటగా రూపొందుతున్న మెసేజ్‌ ఓరియంటెడ్‌ లవ్‌ స్టోరీ 'కథంటే ఇదేరా'. హరీష్‌ చావా దర్శకత్వంలో దాసరి ప్రతిమ ఈ చిత్రాన్ని నిర్మిస్తున్నారు.
ఈ చిత్ర ఫస్ట్‌ లుక్‌ని దర్శకులు నక్కిన త్రినాథరావు ఆవిష్కరించారు. ఈ కార్యక్రమంలో 'హ్యాపీడేస్‌' ఫేమ్‌ వంశీతో పాటు చిత్రయూనిట్‌ పాల్గొన్నారు.
ఈ సందర్భంగా నక్కిన త్రినాథరావు మాట్లాడుతూ, 'ఈ సినిమా టైటిల్‌ చాలా ఆసక్తికరంగా ఉంది. వినగానే కథ తెలుసుకోవాలనే కోరిక కలిగి, పాయింట్‌ ఏంటని అడిగితే, లైన్‌ వినిపించారు. చాలా కొత్తగా అనిపించింది. మంచి మెసేజ్‌ ఓరియంటెడ్‌ చిత్రమిది. ఈ సినిమా మంచి విజయం సాధించాలి' అని అన్నారు. 'మా చిత్ర ఫస్ట్‌లుక్‌ని విడుదల చేసి, శుభాకాంక్షలు తెలిపిన దర్శకుడు నక్కిన త్రినాథరావుకి మనస్ఫూర్తిగా కృతజ్ఞతలు. ఓ మంచి సినిమాతో ప్రేక్షకుల ముందుకొస్తున్నందుకు చాలా హ్యాపీగా ఉంది' అని మేకర్స్‌ తెలిపారు.
పవన్‌ రాయల్‌, మనోహర్‌ లక్కి, కిష్‌, మంజుల, ఎఫ్‌2 ఫేమ్‌ ప్రదీప్‌, సరస్వతి తదితరులు నటించిన ఈ చిత్రానికి సంగీతం: మీరావలి షేక్‌, కెమెరా: యాదగిరి, కథ-మాటలు-పాటలు:నోరి నాగప్రసాద్‌, ఎగ్జిక్యూటివ్‌ ప్రొడ్యూసర్‌: యడాలి శ్రీనివాసరావు.
