'దొరసాని'గా అలరించిన శివాత్మిక రాజశేఖర్‌ ఇకపై 'లేఖ'గా ప్రేక్షకుల మదిని దోచుకోబోతున్నారు. శివాత్మిక తాజాగా నటిస్తున్న చిత్రం 'పంచతంత్రం'. గురువారం శివాత్మిక పుట్టినరోజు సందర్భంగా ఈ చిత్ర టైటిల్‌ పోస్టర్‌తోపాటు ఆమె క్యారెక్టర్‌ని తెలియజేస్తున్న ఫస్ట్‌లుక్‌ని యువ కథానాయకుడు అడివిశేష్‌ రిలీజ్‌ చేశారు.
బ్రహ్మానందం, సముద్రఖని, స్వాతి రెడ్డి, శివాత్మిక రాజశేఖర్‌, రాహుల్‌ విజరు, 'మత్తు వదలరా' ఫేమ్‌ నరేష్‌ అగస్త్య ప్రధాన తారాగణంగా నటిస్తున్న చిత్రం 'పంచతంత్రం'. టికెట్‌ ఫ్యాక్టరీ, ఎస్‌ ఒరిజినల్స్‌ సంస్థలు సంయుక్తంగా నిర్మిస్తున్నాయి.
హర్ష పులిపాక రచన, దర్శకత్వంలో రూపొందుతున్న ఈ చిత్రానికి అఖిలేష్‌ వర్ధన్‌, సజన్‌ ఎరబోలు నిర్మాతలు.
శివాత్మిక రాజశేఖర్‌ పుట్టినరోజు సందర్భంగా రిలీజైన ఫస్ట్‌లుక్‌ పోస్టర్‌లో 'లేఖ' పాత్రలో నటిస్తున్నట్లు చిత్ర బృందం తెలిపింది. ఈ సందర్భంగా నిర్మాత సజన్‌ ఎరబోలు మాట్లాడుతూ, 'శివాత్మికకి పుట్టినరోజు శుభాకాంక్షలు. 'దొరసాని'గా ఆకట్టుకున్న ఆమె, 'లేఖ'గా మరోసారి ప్రేక్షకుల మనసు దోచుకుంటారు. ఆమె పాత్రతో పాటు బ్రహ్మానందం, స్వాతి, రాహుల్‌ విజరు, నరేష్‌ అగస్త్య పాత్రలు సినిమాలో కీలకం. 'కలర్‌ ఫొటో'తో ప్రేక్షకులతో పాటు పరిశ్రమ దష్టిని ఆకర్షించిన దర్శకుడు సందీప్‌ రాజ్‌ మా చిత్రానికి మాటలు రాయడం సంతోషంగా ఉంది. అలాగే, వరుస విజయాల్లో ఉన్న సంగీత దర్శకుడు ప్రశాంత్‌ ఆర్‌.విహారి మా చిత్రానికి సంగీతం అందిస్తున్నారు' అని చెప్పారు.
శివాత్మిక రాజశేఖర్‌ మాట్లాడుతూ, 'ఓ మంచి సినిమాలో నేను భాగం కావడం గర్వంగా, ఎంతో సంతోషంగా ఉంది. 'లేఖ' పాత్రలో నటించడం నా అదష్టంగా భావిస్తున్నాను' అని తెలిపారు. రచయిత, దర్శకుడు హర్ష పులిపాక మాట్లాడుతూ, 'ప్రతి జీవికి అవసరమైన పంచేంద్రియాలు చూపు, వినికిడి, రుచి, స్పర్శ, వాసన... ఏవైతే ఉన్నాయో వాటి చుట్టూ అల్లుకున్న కథతో ఈ సినిమాని తెరకెక్కిస్తున్నాం. ఐదు భావోద్వేగాలు మిళితమైన చక్కటి కథ ఇది. యువతరం ఆలోచనలు, వాళ్ల దక్పథాలకు అద్దం పట్టేలా కథాకథనాలు ఉంటాయి' అని చెప్పారు.
దివ్య శ్రీపాద, శ్రీవిద్య, వికాస్‌, ఆదర్శ్‌ బాలకష్ణ తదితరులు ఇతర పాత్రలను పోషిస్తున్న ఈ చిత్రానికి కాస్ట్యూమ్‌ డిజైనర్‌: అయేషా మరియమ్‌, ఎడిటర్‌: గ్యారీ బీహెచ్‌, సినిమాటోగ్రఫీ: రాజ్‌ కె. నల్లి, ప్రొడక్షన్‌ కంట్రోలర్‌: సాయి బాబు వాసిరెడ్డి, లైన్‌ ప్రొడ్యూసర్‌: సునీత్‌ పడోల్కర్‌, ఎగ్జిక్యూటివ్‌ ప్రొడ్యూసర్‌: భువన్‌ సాలూరు, క్రియేటివ్‌ ప్రొడ్యూసర్‌: ఉషారెడ్డి వవ్వేటి, మాటలు: హర్ష పులిపాక, 'కలర్‌ ఫొటో' సందీప్‌ రాజ్‌, పాటలు: కిట్టు విస్సాప్రగడ, సంగీతం: ప్రశాంత్‌ ఆర్‌. విహారి, సహ నిర్మాతలు: రమేష్‌ వీరగంధం, రవళి కలంగి, నిర్మాతలు: అఖిలేష్‌ వర్ధన్‌, సజన్‌ ఎరబోలు, రైటర్‌, డైరెక్టర్‌: హర్ష పులిపాక.
