మమతా మోహన్‌ దాస్‌ ప్రధాన పాత్రలో నటించిన చిత్రం 'లాల్‌ బాగ్‌'. ఐటి బ్యాక్‌ డ్రాప్‌లో సాగే థ్రిల్లర్‌ జోనర్‌లో తెరకెక్కుతున్న ఈ చిత్రాన్ని తెలుగులో అదే పేరుతో అనువదిస్తున్నారు. సంపత్‌ కుమార్‌ సమర్పణలో సెలెబ్స్‌ అండ్‌ రెడ్‌ కార్పెట్‌ బ్యానర్‌ పై రాజ్‌ జకారియా నిర్మిస్తున్న ఈ చిత్ర తెలుగు టైటిల్‌ ఫస్ట్‌ లుక్‌ పోస్టర్‌ని విడుదల చేశారు. ప్రస్తుతం డబ్బింగ్‌ కార్యక్రమాలు జరుపుకుంటున్న ఈ చిత్రాన్ని మే నెలలో విడుదల చేసేందుకు సన్నాహాలు చేస్తున్నారు. రాజమౌళి, ఎన్టీఆర్‌ కాంబోలో సెన్సేషనల్‌ హిట్‌ సాధించిన 'యమదొంగ' చిత్రంతో తెలుగు ప్రేక్షకులకు బాగా సుపరిచితురాలైన మమతామోహన్‌ దాస్‌ చాలా రోజుల తర్వాత
ఓ శక్తివంతమైన పాత్రలో కనిపించబోతున్నారు. అన్ని వర్గాల వారిని ఆకట్టుకునే అంశాలతో వస్తున్న ఈ చిత్రంలో నందినిరారు, సిజోరు వర్ఘిస్‌, రాహుల్‌ దేవ్‌ శెట్టి (బాలీవుడ్‌ నటుడు), రాహుల్‌ మాధవ్‌, అజిత్‌ కోషీ ఇతర కీలక పాత్రల్లో నటించారు. ఈ చిత్రానికి సంగీతం : రాహుల్‌ రాజ్‌, సినిమాటోగ్రఫీ : ఆంటోని జో, ఎడిటర్‌ : సునీశ్‌ సెబాస్టియన్‌, నిర్మాత : రాజ్‌ జకారియాస్‌, దర్శకత్వం : ప్రశాంత్‌ మురళీ పద్మనాభన్‌.
