'సై', 'దూకుడు', 'శ్రీమంతుడు', 'బిందాస్‌', 'మగధీర', 'ఏక్‌ నిరంజన్‌' తదితర చిత్రాల్లో నటించి ప్రేక్షకుల్ని మెప్పించిన నటుడు శ్రవణ్‌ రాఘవేంద్ర. ఆయన హీరోగా పరిచయం అవుతున్న చిత్రం 'ఎదురీత'. శ్రీ భాగ్యలక్ష్మి ఎంటర్‌టైన్‌మెంట్స్‌ పతాకంపై బోగారి లక్ష్మీనారాయణ, బోగారి ఈశ్వర్‌ చరణ్‌ నిర్మించారు. బాలమురుగన్‌ దర్శకత్వం వహించారు. ఇందులో లియోనా లిషోరు హీరోయిన్‌. ఈ సినిమా సెన్సార్‌ పూర్తయింది. త్వరలో విడుదలకు సన్నాహాలు చేస్తున్నారు.
ఈ సందర్భంగా నిర్మాత బోగారి ఈశ్వర్‌ చరణ్‌ మాట్లాడుతూ, 'ఓ 40 ఏళ్ల మధ్యతరగతి తండ్రికి కొడుకుపై ఉన్న ప్రేమ ఎన్ని సమస్యలు తీసుకువచ్చింది? అనేది సినిమా కథాంశం. ప్రతి తండ్రి, తనయుడి హదయాన్ని హత్తుకునేలా భావోద్వేగాలను దర్శకుడు బాల మురుగన్‌ ఎంతో అద్భుతంగా తెరకెక్కించారు. ఆయనకు దర్శకుడు విజరు మిల్టన్‌ దగ్గర 'గోలి సోడా', 'కడుగు', తెలుగులో 'టెన్‌'గా విడుదలైన విక్రమ్‌, సమంత సినిమాకు దర్శకత్వ శాఖలో పని చేసిన అనుభవం ఈ సినిమాకి ఎంతో ఉపయోగపడింది.
సినిమా సెన్సార్‌ పూర్తి అయ్యింది. త్వరలో పాటలను రిలీజ్‌ చేస్తాం. అన్ని కార్యక్రమాలను పూర్తి చేసి ఈ చిత్రాన్ని ప్రేక్షకుల ముందుకు తీసుకొచ్చేందుకు సన్నాహాలు చేస్తున్నాం' అని తెలిపారు.
సంపత్‌ రాజ్‌, జియా శర్మ, శాన్వీ మేఘన, నోయెల్‌ సేన్‌, 30 ఇయర్స్‌ పథ్వీ, 'రంగస్థలం' మహేష్‌, కాశీ విశ్వనాథ్‌, రవిప్రకాష్‌, భద్రమ్‌, 'మాస్టర్‌' చరణ్‌ రామ్‌ తదితరులు నటించిన ఈ చిత్రానికి
ఛాయాగ్రహణం: విజరు ఆర్పుదరాజ్‌, పాటలు : డా. చల్లా భాగ్యలక్ష్మి, శ్రేష్ఠ, రోల్‌ రిడా, విశ్వ, స్వామి, ఎడిటర్‌: నగూరన్‌ రామచంద్రన్‌, మ్యూజిక్ డైరెక్టర్‌: అరల్‌ కొరెల్లి, దర్శకుడు: బాలమురుగన్‌, నిర్మాత : బోగారి లక్ష్మీనారాయణ, బోగారి ఈశ్వర్‌ చరణ్‌.
