తల్లాడ సాయికష్ణ స్వీయ దర్శకత్వంలో తెరకెక్కుతున్న సినిమా 'నమస్తే సేట్‌ జీ'. శ్రీ అన్నపూర్ణ క్రియేషన్స్‌ బ్యానర్‌పై శ్రీ లక్ష్మి నిర్మాణ సారథ్యంలో తల్లాడ శ్రీనివాస్‌ ఈ చిత్రాన్ని నిర్మిస్తున్నారు. సాయికష్ణ, స్వప్న చౌదరి హీరో హీరోయిన్లుగా నటిస్తున్న ఈ చిత్రంలో టార్జాన్‌ లక్ష్మణ్‌, శాంతి స్వరూప్‌, శ్రీనివాసులు ముఖ్యపాత్రలు పోషిస్తున్నారు.ఈ చిత్రానికి సంబంధించి మొదటి ప్రచార చిత్రాన్ని చిత్ర బృందం బుధవారం విడుదల చేసింది.
ఈ సందర్భంగా నిర్మాత తల్లాడ శ్రీనివాస్‌ మాట్లాడుతూ, 'ఫ్రంట్‌ లైన్‌ వారియర్స్‌ చేసే సేవల్ని చూపిస్తూ, అలానే ఈ సమాజంలో కనపడని శ్రామికులుగా ఉన్న కిరాణా షాపులు నడిపించుకునే సామాన్య కుటుంబాల కథ ఈ సినిమా' అని చెప్పారు. దర్శకుడు తల్లాడ సాయికష్ణ మాట్లాడుతూ, 'మొదటిసారి లాక్‌డౌన్‌లో కిరాణా షాపువాళ్ళు చేసిన సేవల్ని గుర్తించి ఈ కథను సిద్ధం చేశాం. మనకు నిత్యం ఉపయోగపడే ప్రతి వస్తువు, కూరగాయలతో సహా అన్ని నిత్యావసర సరుకులు కిరాణా షాపుల్లోనే దొరకుతాయి. అలాంటి కిరాణా దుకాణం నడిపించే సేట్‌ల జీవన శైలిని, ముఖ్యంగా కరోనా సమయంలో నిత్యం ప్రజలకు సరుకులు అందిస్తూ, జీవితాల్ని సైతం రిస్క్‌లో పెట్టిన వారి ధైర్య సాహసాలను ఈ సినిమాలో చూపిస్తున్నాం. మనం చిన్నప్పటి నుండి ఏ షాపు వాళ్లనైనా సేట్‌ లేదా సేట్‌ జీ అంటుంటాం. ఆ వాడుక భాషని ఆధారంగా చేసుకుని ఈ సినిమాని తెరకెక్కిస్తున్నాం. సెకండ్‌ వేవ్‌ కరోనా సమయంలోనూ కిరాణా షాపు వాళ్లు అందిస్తున్న సేవలు అనిర్వచనీయం. వాళ్ళందరూ జాగ్రత్తగా ఉండాలని కోరుతున్నాను' అని అన్నారు. ఈ చిత్రానికి కో-ప్రొడ్యూసర్‌ : పొట్టిముతి గౌతమ్‌, శ్రీ కౌశిక్‌ గుప్తా, ఎగ్జిక్యూటివ్‌ ప్రొడ్యూసర్స్‌: అశోక్‌ నిమ్మల, విజరు నిట్టల, చందు, రచన : రమేష్‌ కుమార్‌ వెలుపుకొండ, శివ కాకు, సంగీతం: వి.ఆర్‌.ఏ.ప్రదీప్‌, కార్తిక్‌ కొడకండ్ల, కెమెరా : శివ రాథోడ్‌, సైదులు, శ్రీకాంత్‌, సాహిత్యం- చింతల శ్రీనివాస్‌, సంధ్యవర్షిని, శరత్‌ చంద్ర.
