సుమంత్‌ హీరోగా రూపొందుతున్న తాజా చిత్రం 'అనగనగా ఒక రౌడీ'. మను యజ్ఞ దర్శకుడు. ఏక్‌దోతీన్‌ ప్రొడక్షన్స్‌ పతాకంపై గార్లపాటి రమేష్‌, డా.టీఎస్‌ వినీత్‌ భట్‌ నిర్మిస్తున్నారు. చిత్రీకరణ పూర్తిచేసుకున్న ఈ చిత్రం ప్రస్తుతం నిర్మాణానంతర పనులను జరుపుకుంటోంది. ఈ సందర్భంగా దర్శక, నిర్మాతలు మాట్లాడుతూ, 'సుమంత్‌ కెరీర్‌లో ఇదొక వైవిధ్యమైన చిత్రం. సుమంత్‌ పాత్ర రొటీన్‌కు భిన్నంగా ఉంటుంది. కొత్తదనం కోరుకునే ప్రేక్షకులకు ఆయన పాత్ర తప్పకుండా నచ్చుతుంది. వాల్తేరు శీనుగా, విశాఖపట్నం రౌడీగా ఆయన అభినయం అందర్ని అలరిస్తుంది. ఐమా నాయికగా నటిస్తున్నారు. ప్రస్తుతం నిర్మాణానంతర కార్యక్రమాలు కొనసాగుతున్నాయి. త్వరలోనే విడుదల తేదీని ప్రకటిస్తాం' అని తెలిపారు. 'వాల్తేరుశీనుగా నా కెరీర్‌లో ఇలాంటి పాత్రని చేయటం తొలిసారి. ప్రేక్షకులు, అభిమానులను అలరించే పాత్ర ఇది' అని హీరో సుమంత్‌ అన్నారు. మధునందన్‌, ధన్‌రాజ్‌, కళ్యాణ్‌ చక్రవర్తి, హైపర్‌ ఆది, మిర్చి కిరణ్‌, ప్రభ తదితరులు నటిస్తున్న ఈ చిత్రానికి సంగీతం: మార్క్‌.కె.రాబిన్‌, సహ నిర్మాత: యెక్కంటి రాజశేఖర్‌ రెడ్డి, రచన-దర్శకత్వం: మను యజ్ఞ.
