అభినవ్‌ సర్దార్‌, రామ్‌ కార్తిక్‌, చాందిని తమిళ్‌ రాసన్‌, శాని సాల్మాన్‌, శెర్రి అగర్వాల్‌ ప్రధాన పాత్రల్లో నటిస్తున్న చిత్రం 'పీనట్‌ డైమండ్‌'. ఎఎస్‌పి మీడియా హౌస్‌, జివి ఐడియాస్‌ పతాకాలపై ప్రొడక్షన్‌ నెం.1గా ఈ చిత్రం నిర్మితమవుతోంది. అభినవ్‌ సర్దార్‌, వెంకటేష్‌ త్రిపర్ణ నిర్మాతలు. వెంకటేష్‌ త్రిపర్ణ దర్శకుడు. సైన్స్‌ ఫిక్షన్‌ యాక్షన్‌ డ్రామాగా తెరకెక్కుతున్న ఈ చిత్ర ట్రైలర్‌ని అగ్ర దర్శకుడు క్రిష్‌ రిలీజ్‌ చేశారు. ఈ సందర్భంగా ఆయన మాట్లాడుతూ, 'పీనట్‌ డైమండ్‌' టైటిల్‌ ఎంతో ఆసక్తికరంగా ఉంది. రిలీజ్‌ కోసం ఎదురుచూస్తున్నాను. ట్రైలర్‌ చాలా బాగుంది. దర్శకుడు ఎంత శ్రద్ధ పెట్టి ఈ సినిమా చేశారో అర్థం అవుతుంది. విజువల్స్‌ అద్భుతంగా ఉన్నాయి. ఈ సినిమా మంచి విజయం సాధించి దర్శక, నిర్మాతలకు మంచి పేరు తీసుకురావాలని కోరుకుంటున్నాను' అని చెప్పారు. 'ఫస్ట్‌ లుక్‌, టీజర్‌తో మంచి క్రేజ్‌ను దక్కించుకున్న మా సినిమాకి 'బెంగాల్‌ టైగర్‌' ఫేమ్‌ భీమ్స్‌ సిసిరోలియో సంగీతం సమకూరుస్తున్నారు. టాలీవుడ్‌ యంగ్‌ అండ్‌ డైనమిక్‌ హీరో సుధీర్‌ బాబు రిలీజ్‌ చేసిన పాటకు విశేష స్పందన లభించింది. అలాగే మా చిత్ర టీజర్‌ని టాలీవుడ్‌ టాప్‌ ప్రొడ్యూసర్‌ దిల్‌రాజు రిలీజ్‌ చేసి, అద్భుతంగా ఉందంటూ ప్రశంసించారు. మంచి కంటెంట్‌తో రూపొందిన ఈ చిత్రం తప్పకుండా ప్రేక్షకుల విశేష ఆదరణ పొందుతుందనే నమ్మకం ఉంది' అని నిర్మాతలు తెలిపారు.
అభినవ్‌ సర్దార్‌, రామ్‌ కార్తిక్‌, చాందిని తమిళ్‌రాసన్‌, శాని సాల్మాన్‌, శెర్రి అగర్వాల్‌ తదితరులు నటిస్తున్న ఈ చిత్రానికి సినిమాటోగ్రఫి: జె. ప్రభాకర రెడ్డి, సంగీతం: భీమ్స్‌ సిసిరోలియో, ఫైట్స్‌: శంకర్‌.యు, లైన్‌ ప్రొడ్యూసర్‌: శ్రీనిధి నక్కా, ఎగ్జిక్యూటివ్‌ ప్రొడ్యూసర్‌ : శాని సాల్మాన్‌, నిర్మాతలు : అభినవ్‌ సర్దార్‌, వెంకటేష్‌ త్రిపర్ణ, కథ, స్క్రీన్‌ప్లే, మాటలు, దర్శకత్వం: వెంకటేష్‌ త్రిపర్ణ.
