ఆనంద్‌ దేవరకొండ హీరోగా నటిస్తున్న నయా సినిమా 'పుష్పక విమానం'. గీత్‌ సైని కథానాయిక. విజరు దేవరకొండ సమర్పిస్తున్న ఈ చిత్రాన్ని నూతన దర్శకుడు దామోదర దర్శకత్వం వహిస్తున్నారు. కింగ్‌ అఫ్‌ ది హిల్‌ ప్రొడక్షన్‌, టాంగా ప్రొడక్షన్స్‌ సంయుక్తంగా ఈ చిత్రాన్ని నిర్మిస్తున్నాయి. గోవర్ధన్‌రావు దేవరకొండ, విజరు దషి, ప్రదీప్‌ ఎర్రబెల్లి నిర్మాతలు.
అన్ని కార్యక్రమాలు పూర్తి చేసుకున్న ఈ సినిమా విడుదలకు సిద్ధమవుతోంది. ఈ చిత్రంలోని 'కళ్యాణం' లిరికల్‌ సాంగ్‌ను ఈ నెల 18న స్టార్‌ హీరోయిన్‌ సమంత విడుదల చేయనున్నారు. హీరో, హీరోయిన్ల పెళ్ళి నేపథ్యంలో వచ్చే ఈ పాటను కాసర్ల శ్యామ్‌ రాయగా, సిధ్‌ శ్రీరామ్‌, మంగ్లీ పాడారు. రామ్‌ మిరియాల ఈ చిత్రానికి సంగీతం సమకూరుస్తున్నారు.
'టైటిల్‌ ఎనౌన్స్‌ చేసిన దగ్గర్నుంచి ఈ చిత్రంపై అందరిలోనూ అమితాసక్తి ఏర్పడింది. ఇప్పటికే విడుదలైన 'సిలకా..' లిరికల్‌ వెర్షన్‌ అటు యూత్‌ను, ఇటు మాస్‌ను విపరీతంగా ఆకట్టుకుంది. సోషల్‌ మీడియాలో సైతం ఈ పాటకు మంచి రెస్పాన్స్‌ వస్తోంది. 'కళ్యాణం..' అంటూ సాగే మరో లిరికల్‌ సాంగ్‌ను సమంత ఈనెల 18న విడుదల చేయబోతున్నారు. భిన్న టైటిల్‌, కథాకథనాలు, నటీనటుల నటన, పాటలు ఈ చిత్రానికి ప్రధాన ఆకర్షణగా నిలవబోతున్నాయి. ముఖ్యంగా రామ్‌ మిరియాల సంగీతం బిగ్గెస్ట్‌ ఎస్సెట్‌ అవ్వనుంది. త్వరలోనే ఈ సినిమా విడుదల తేదీని అధికారికంగా ప్రకటిస్తాం' అని చిత్ర బృందం తెలిపింది.
ఆనంద్‌ దేవరకొండ, గీత్‌ సైని, శాన్వి మేఘన, సునీల్‌, నరేష్‌, హర్షవర్థన్‌, గిరిధర్‌, కిరీటి, భద్రం, వైవా హర్ష, అభిజిత్‌, అజరు, సుదర్శన్‌, శరణ్య, మీనా వాసు, షేకింగ్‌ శేషు తదితరులు నటిస్తున్న ఈ చిత్రానికి సమర్పణ : విజరు దేవరకొండ, సినిమాటోగ్రఫీ: హెస్టిన్‌ జోస్‌ జోసెఫ్‌, ఆర్ట్‌ డైరెక్టర్‌ : నీల్‌ సెబాస్టియన్‌, ఎడిటర్‌ : రవితేజ గిరిజాల, రచన-దర్శకత్వం: దామోదర.
