కన్నడ యువ కథానాయకుడు రిషి టాలీవుడ్‌లోకి ఎంట్రీ ఇస్తూ నటిస్తున్న సినిమా 'వద్దురా సోదరా'. ధన్య బాలకష్ణన్‌ నాయిక. ఓ వినూత్న ప్రేమకథతో దర్శకుడు ఇస్లాహుద్దీన్‌ ఈ చిత్రాన్ని రూపొందించారు. కన్నడ, తెలుగు ద్విభాషా చిత్రంగా తెరకెక్కిన ఈ సినిమాని స్వేచ్ఛా క్రియేషన్స్‌, స్టాబ్‌ ఫాబ్‌ ప్రొడక్షన్స్‌ సంయుక్తంగా తెలుగులోకి తీసుకొస్తున్నాయి. ధీరజ్‌ మొగిలినేని, అమ్రేజ్‌ సూర్యవంశీ నిర్మాతలు. సోమవారం ఈ చిత్ర మోషన్‌ పోస్టర్‌ను రిలీజ్‌ చేశారు.
'ప్రేయసికి దూరమైన ఓ ప్రేమికుడు తన బాధను వ్యక్తం చేస్తూ వాయిస్‌ ఈ మోషన్‌ పోస్టర్‌ ప్రారంభమైంది. నా ప్రేయసి తనకు ఇష్టంలేని వాడిని పెళ్లి చేసుకున్నప్పుడు, నేను లేకుండా తను ఎప్పుడూ సంతోషంగా ఉండలేనని చెప్పింది. అప్పటి నుంచి నేను కూడా సంతోషంగా ఉండటం మానేశాను. కానీ ఇప్పుడు ఒక సంతోషపు ముసుగు వేసుకుని బతుకుతున్నాను. పైకి సంతోషంగా లోపల బాధతో మిగిలిపోయాను..అని చెబుతూ ముగించారు. కథానాయకుడు రిషి ఒక కుర్చీకి బంధించుకోవడం వెనక సింబాలిక్‌ రీజన్‌ ఏంటనేది వెండితెరపైనే చూడాలి' అని చిత్ర బృందం పేర్కొంది. నాగభూషణ, గ్రీష్మ శ్రీధర్‌, మహదేవ్‌ ప్రసాద్‌, భవానీ ప్రకాష్‌, అపూర్వ ఎస్‌ భరద్వాజ్‌ ఇతర కీలక పాత్రల్లో నటిస్తున్న ఈ చిత్రానికి సినిమాటోగ్రఫీ - విష్ణు ప్రసాద్‌ పి, దిలీప్‌ కుమార్‌ ఎంఎస్‌, ఎడిటింగ్‌ - గురుస్వామి టి, సంగీతం - ప్రసన్న శివరామన్‌, రచన, దర్శకత్వం - ఇస్లాహుద్దీన్‌.
