విరాన్‌ ముత్తంశెట్టి హీరోగా పరిచయం అవుతున్న చిత్రం 'బతుకు బస్టాండ్‌'. నికిత అరోరా, శతిశెట్టి ఈ చిత్రంలో హీరోయిన్లుగా నటిస్తున్నారు. ఇలవల ఫిల్మ్స్‌ పతాకం పై చక్రధర్‌ రెడ్డి సమర్పణలో ఈ చిత్రాన్ని కవితా రెడ్డి, కె.మాధవి నిర్మిస్తున్నారు. ఐ.ఎన్‌.రెడ్డి దర్శకుడు. ఈ చిత్రంలోని బ్రెజిల్‌ మోడల్‌ జెన్నీఫర్‌ పిక్కినాటో నటించిన 'బుస్సా బుస్సా..' మాస్‌ ఐటమ్‌ సాంగ్‌కు అన్ని వర్గాల ప్రేక్షకుల నుంచి ముఖ్యంగా సోషల్‌ మీడియాలో అద్భుతమైన రెస్పాన్స్‌ని రాబట్టుకుంది. ఈ సందర్భంగా దర్శకుడు ఐ.ఎన్‌.రెడ్డి మాట్లాడుతూ,''బతుకు బస్టాండ్‌' అని టైటిల్‌ ఎనౌన్స్‌ చేసినప్పటి నుంచి అటు సాధారణ ప్రేక్షకులతో పాటు తెలుగు ఇండిస్టీ ట్రేడ్‌ వర్గాల్లోనూ ఈ సినిమా పై ఆసక్తి పెరుగుతూ వస్తోంది. అలాగే ఈ చిత్రానికి సంబంధించిన పబ్లిసిటీ కంటెంట్‌కి సామాజిక మాధ్యమాల్లో అనూహ్య స్పందన లభించింది. తొలి పాట కూడా యూట్యూబ్‌లో విశేషాదరణ పొందింది. ఈ నేపథ్యంలోనే తాజాగా విడుదలైన 'బుస్సా బుస్సా..' మాస్‌ ఐటమ్‌ సాంగ్‌కు సర్వత్రా అద్భుతమైన రెస్పాన్స్‌ రావడం చాలా ఆనందంగా ఉంది. ఈ పాటలో బ్రెజిల్‌ మోడల్‌ జెన్నీఫర్‌ పిక్కినాటో వేసిన స్టెప్పులు అందర్నీ మెస్మరైజ్‌ చేస్తున్నాయి' అని తెలిపారు. 'మంచి కంటెంట్‌తో వస్తున్న ఈ చిత్రం అందర్నీ మెప్పిస్తుందనే నమ్మకం ఉంది. చిత్రీకరణ పూర్తయిన ఈ చిత్రాన్ని త్వరలోనే విడుదల చేయడానికి సన్నాహాలు చేస్తున్నాం' అని నిర్మాతలు చెప్పారు. ఈ చిత్రానికి డిఓపి : వాస్‌ కమల్‌, సంగీతం : మహవీర్‌, కొరియోగ్రఫీ : శివాజీ, యాక్షన్‌ : శంకర్‌.యు, రచన - దర్శకత్వం : ఐ.ఎన్‌.రెడ్డి.
