ఆది సాయికుమార్‌, పాయల్‌ రాజ్‌ఫుత్‌ జంటగా రూపొందుతున్న నయా క్రైమ్‌ థ్రిల్లర్‌ 'కిరాతక'. విజన్‌ సినిమాస్‌ పతాకంపై ప్రొడక్షన్‌ నెం.3గా ప్రముఖ వ్యాపారవేత్త డా.నాగం తిరుపతిరెడ్డి భారీ బడ్జెట్‌తో ఈ చిత్రాన్ని నిర్మిస్తున్నారు. ఎం.వీరభద్రమ్‌ దర్శకుడు. ఈచిత్ర ఫస్ట్‌లుక్‌ పోస్టర్స్‌ని గురువారం చిత్ర బృందం రిలీజ్‌ చేసింది. ఈ సినిమా రెగ్యులర్‌ షూటింగ్‌ ఆగస్ట్‌ 13నుండి ప్రారంభంకానుంది.
ఈ సందర్భంగా హీరోయిన్‌ పాయల్‌ రాజ్‌ఫుత్‌ మాట్లాడుతూ, 'ఇప్పటివరకు చాలా కథలు విన్నాను. వాటిల్లో ఈ థ్రిల్లర్‌ కథ నాకు చాలా బాగా నచ్చింది. నటనకు మంచి స్కోప్‌ ఉన్న క్యారెక్టర్‌. అలాగే ఆదితో ఫస్ట్‌ టైమ్‌ నటిస్తున్నందుకు చాలా ఎగ్జైటింగ్‌గా ఉంది. ఈ అవకాశం ఇచ్చిన దర్శకుడు వీరభద్రమ్‌, నిర్మాత నాగం తిరుపతిరెడ్డికి స్పెషల్‌ థ్యాంక్స్‌' అని చెప్పారు.
'ప్రస్తుతం ఆర్టిస్టుల ఎంపిక జరుగుతోంది. ఈ చిత్రంలో పూర్ణ ఒక పవర్‌ఫుల్‌ పోలీస్‌ ఆఫీసర్‌ పాత్రలో నటిస్తోంది. అలాగే దాసరి అరుణ్‌ కుమార్‌, దేవ్‌గిల్‌ కీలక పాత్రల్లో నటిస్తున్నారు. ఇంత వరకూ చూడని ఒక సరికొత్త పాత్రలో ఆది కనిపించనున్నారు. ఈ కథ నచ్చి, సింగిల్‌ సిట్టింగ్‌లోనే ఈ సినిమాలో నటించడానికి అంగీకరించిన పాయల్‌ రాజ్‌ఫుత్‌కి థ్యాంక్స్‌. ఆమె క్యారెక్టర్‌ ఆడియన్స్‌ని బాగా థ్రిల్‌ చేస్తుంది. భారీ బడ్జెట్‌తో విజన్‌ సినిమాస్‌ బ్యానర్‌లో నిర్మాత నాగం తిరుపతి రెడ్డి అన్‌కాంప్రమైజ్డ్‌గా ఈ చిత్రాన్ని నిర్మిస్తున్నారు. లేటెస్ట్‌గా రిలీజ్‌ చేసిన ఫస్ట్‌లుక్‌ పోస్టర్స్‌కి మంచి రెస్పాన్స్‌ వస్తోంది' అని దర్శకుడు ఎం.వీరభద్రమ్‌ అన్నారు.
నిర్మాత డా. నాగం తిరుపతిరెడ్డి మాట్లాడుతూ, 'మా విజన్‌ సినిమాస్‌ బ్యానర్‌లో ప్రొడక్షన్‌ నెం.3గా ఈ చిత్రాన్ని నిర్మిస్తున్నాం. మా హీరో ఆది, దర్శకుడు వీరభద్రమ్‌ హిట్‌ కాంబినేషన్‌లో ఒక పర్‌ఫెక్ట్‌ క్రైమ్‌ థ్రిల్లర్‌ సబ్జెక్ట్‌తో, మేకింగ్‌లో ఎక్కడా కాంప్రమైజ్‌ కాకుండా ఈ చిత్రాన్ని తెరకెక్కిస్తున్నాం. డిఫరెంట్‌ క్రైమ్‌ థ్రిల్లర్‌ కాన్సెప్ట్‌ నచ్చి హీరోయిన్‌ పాయల్‌ రాజ్‌ఫుత్‌ మా చిత్రంలో నటించడం చాలా హ్యాపీగా ఉంది. ఈ సినిమాతో కమర్షియల్‌గా బిగ్‌ సక్సెస్‌ సాధిస్తామనే నమ్మకం ఉంది. త్వరలో గ్రాండ్‌ ఓపెనింగ్‌ జరిప,ి ఆగస్ట్‌ 13నుండి రెగ్యులర్‌ షూటింగ్‌ ప్రారంభిస్తాం' అని తెలిపారు. ఈ చిత్రానికి సినిమాటోగ్రాఫర్‌: రామ్‌రెడ్డి, సంగీతం: సురేష్‌ బొబ్బిలి, ఎగ్జిక్యూటివ్‌ ప్రొడ్యూసర్‌: తిర్మల్‌ రెడ్డి యాళ్ల, నిర్మాత: డా. నాగం తిరుపతి రెడ్డి, కథ, స్క్రీన్‌ ప్లే, దర్శకత్వం: ఎం. వీరభద్రమ్‌.
