ఆది సాయికుమార్‌ హీరోగా తెరకెక్కుతున్న తాజా చిత్రం 'అమరన్‌ ఇన్‌ ది సిటీ -చాప్టర్‌ 1'. నూతన దర్శకుడు ఎస్‌.బాలవీర్‌ ఈ చిత్రానికి దర్శకత్వం వహిస్తున్నారు. ఎస్‌.వీ.ఆర్‌ నిర్మాత. పవర్‌ఫుల్‌ పోలీస్‌ ఆఫీసర్‌గా ఆది నటిస్తున్న ఈ చిత్రంలో అవికా గోర్‌ నాయికగా నటిస్తోంది. ఈ సినిమా షూటింగ్‌ ఇటీవల హైదరాబాద్‌లో ఆరంభమైంది.
ఈ సందర్భంగా నిర్మాత ఎస్‌వీఆర్‌ మాట్లాడుతూ,' మా కథానాయకుడు ఆది సాయికుమార్‌ కెరీర్‌లోనే భారీ బడ్జెట్‌తో నిర్మిస్తున్న చిత్రమిది. సిల్వర్‌ స్క్రీన్‌ పై ఇప్పటి వరకు రాని కొత్త కథా నేపథ్యంతో దర్శకుడు ఎస్‌.బాలవీర్‌ దీన్ని రూపొందిస్తున్నారు. రెండేళ్లపాటు ప్రీ ప్రొడక్షన్‌ పనులు పూర్తి చేసి పక్కా ప్లానింగ్‌తో షూటింగ్‌ జరుపుతున్నాం. ఇటీవల హైదరాబాద్‌లో రెగ్యులర్‌ షూటింగ్‌ ప్రారంభించాం. ఈ ఫస్ట్‌ షెడ్యూల్‌లో భారీ ఖర్చుతో నిర్మించిన పోలీస్‌ సెట్‌లో చిత్రీకరణ జరుపుతున్నాం. అలాగే నగర పరిసర ప్రాంతాల్లోనూ కొన్ని కీలక సన్నివేశాలను చిత్రీకరిస్తాం. ఆది సాయి కుమార్‌ సరికొత్త లుక్‌లో కనిపించనున్న ఈ చిత్రంలో గ్రాఫిక్స్‌కు అధిక ప్రాధాన్యత ఉంది. అలాగే ఆది కెరీర్‌లో ది బెస్ట్‌ ఫిల్మ్‌గా నిలవబోతోందని భావిస్తున్నాం. ఈ సినిమా కోసం ఆది బాగా కష్టపడుతున్నారు. ఆ కష్టం వెండితెరపై స్పష్టంగా కనిపిస్తుంది. అలాగే మా కథానాయిక అవికాగోర్‌ అందం, అభినయానికి అందరూ ఫిదా అవుతారు. ఓ మంచి కాన్సెప్ట్‌తో రూపొందిస్తున్న ఈ చిత్రం కచ్చితంగా అన్ని వర్గాల ప్రేక్షకుల్ని అలరిస్తుందనే నమ్మకం ఉంది' అని చెప్పారు.
ఆదిత్య ఓం, కష్ణుడు, మనోజ్‌ నందన్‌, వీర శంకర్‌, అయన్‌, శతి, రోషన్‌, మధు మణి తదితరులు ఇతర పాత్రల్లో నటిస్తున్న ఈ చిత్రానికి సమర్పణ: జెమిని, ఎగ్జిక్యూటివ్‌ ప్రొడ్యూసర్‌ : గిరిధర్‌ మామిడిపల్లి, సంగీతం: కష్ణ చైతన్య, సినిమాటోగ్రఫీ: ఆర్‌.ఆర్‌.విష్ణు, లైన్‌ ప్రొడ్యూసర్‌: శ్వేతా కటకం, నిర్మాత: ఎస్‌వీఆర్‌, రచన- దర్శకత్వం: ఎస్‌.బాలవీర్‌.
