విరాన్‌ ముత్తంశెట్టి హీరోగా పరిచయం అవుతున్న చిత్రం 'బతుకు బస్టాండ్‌'. నికిత అరోరా, శతి శెట్టి హీరోయిన్లు. ఇలవల ఫిల్మ్స్‌ పతాకం పై చక్రధర్‌ రెడ్డి సమర్పణలో ఐఎన్‌ రెడ్డి ఈ చిత్రాన్ని తెరకెక్కిస్తున్నారు. కవితా రెడ్డి, కె.మాధవి నిర్మాతలు. శుక్రవారం విడుదలైన ఈ చిత్ర ట్రైలర్‌కి మంచి స్పందన లభిస్తోంది.
ఈ సందర్భంగా దర్శకుడు ఐ.ఎన్‌. రెడ్డి మాట్లాడుతూ,'మా చిత్రానికి 'బతుకు బస్టాండ్‌' అనే టైటిల్‌ని ఎనౌన్స్‌ చేసినప్పట్నుంచి అటు ప్రేక్షకులతో పాటు ఇటు పరిశ్రమ ట్రేడ్‌ వర్గాల్లోనూ ఈ సినిమాపై ఆసక్తి పెరిగుతూ వస్తోంది. మా సినిమాకు సంబంధించిన పబ్లిసిటీ కంటెంట్‌కు సోషల్‌ మీడియాలో అనూహ్య స్పందన లభిస్తోంది. ఇటీవలే విడుదలైన రెండు పాటలు యూట్యూబ్‌లో విశేషాదరణ అందుకుంటున్నాయి. ఈ నేపథ్యంలో శుక్రవారం రిలీజైన ట్రైలర్‌కి కూడా సోషల్‌ మీడియాతో పాటు అన్ని వర్గాల ప్రేక్షకుల నుంచి అద్భుతమైన రెస్పాన్స్‌ రావడం చాలా హ్యాపీగా ఉంది. ముఖ్యంగా హీరో క్యారెక్టర్‌, ఆతను చెప్పే డైలాగులు, కొన్ని సన్నివేశాలు ఆసక్తికరంగా మలుపులు తిరుగుతున్న వైనం బాగుందని అందరూ ప్రశంసిస్తున్నారు' అని తెలిపారు.
'మంచి కంటెంట్‌కి అన్ని కమర్షియల్‌ ఎలిమెంట్స్‌ జోడించాం. ఒక్కమాటలో చెప్పాలంటే ప్రేక్షకులకు ఎడ్జ్‌ ఆఫ్‌ ది సీట్‌ ఎక్స్‌పీరియన్స్‌ ఇచ్చే విధంగా ఈ సినిమాని తెరకెక్కించాం. చిత్రీకరణ మొత్తం పూర్తయిన ఈ చిత్రాన్ని త్వరలోనే విడుదల చేసేందుకు సన్నాహాలు చేస్తున్నాం' అని నిర్మాతలు ఐ. కవితా రెడ్డి, కె. మాధవి చెప్పారు. ఈ చిత్రానికి సమర్పణ : కె. చక్రధర్‌ రెడ్డి, డిఓపి : వాస్‌ కమల్‌, సంగీతం : మహవీర్‌, కొరియోగ్రఫీ : శివాజీ, యాక్షన్‌ : శంకర్‌.యు.
