మేఘా ఆకాష్‌, అరుణ్‌ ఆదిత్‌, అర్జున్ సోమయాజుల ప్రధాన పాత్రల్లో నటించిన చిత్రం 'డియర్‌ మేఘ'. వేదాన్ష్‌ క్రియేటివ్‌ వర్క్స్‌ బ్యానర్‌పై అర్జున్ దాస్యన్‌ ఈ చిత్రాన్ని నిర్మించారు. ఈ చిత్రంతో సుశాంత్‌ రెడ్డి దర్శకుడిగా పరిచయం అవుతున్నారు. ఈ చిత్రంలోని 'గుండెల్లో కన్నీటి మేఘం..' అంటూ సాగే లిరికల్‌ వీడియో సాంగ్‌ను హీరోయిన్‌ హేబా పటేల్‌ శనివారం రిలీజ్‌ చేశారు. ''గుండెల్లో కన్నీటి మేఘం..కమ్మిందా తానైతే దూరం...అడిగే లోపే, అతడే లేడే, మాటేమో నలిగింద పెదవుల వెనకే, మౌనం లోనె...' అంటూ ఆద్యంతం ఎమోషనల్‌గా సాగిన ఈ పాట శ్రోతల మనసుల్ని మెలిపెడుతోంది. హరి గౌర సమకూర్చిన అద్భుతమైన సంగీతానికి తగ్గట్టుగా హరిణి ఎంతో హృద్యంగా ఆలపించారు. గీత రచయిత కష్ణ కాంత్‌ రాసిన సాహిత్యం ప్రేక్షకుల మనసు పొరల్ని సున్నితంగా స్పృశిస్తోంది. భావోద్వేగ ప్రేమకథగా తెరకెక్కుతున్న ఈ సినిమా అన్ని కార్యక్రమాలు పూర్తి చేసుకుని, త్వరలోనే విడుదలకు సిద్ధమవుతోంది' అని చిత్ర బృందం తెలిపింది.
ఈ చిత్రానికి సంగీతం - హరి గౌర, సినిమాటోగ్రాఫర్‌ - ఐ ఆండ్రూ, ఎడిటర్‌ - ప్రవీణ్‌ పూడి, ఆర్ట్‌ డైరెక్టర్‌ - పీఎస్‌ వర్మ, నిర్మాత : అర్జున్ దాస్యన్‌, రచన,దర్శకత్వం : సుశాంత్‌ రెడ్డి.
