కునాల్‌ కౌశిక్‌, వెన్నెల జంటగా నటించిన చిత్రం 'బ్రాంచ్‌ ఆఫీస్‌' (అందమైన అబద్ధం). ప్రైడ్‌ క్రియేషన్స్‌ బ్యానర్‌పై మధుబాబు కర్రీ నిర్మిస్తున్న ఈ చిత్రంతో వినిత్‌ అడపా దర్శకుడిగా పరిచయం కాబోతున్నారు. చిత్రీకరణ పూర్తి చేసుకున్న ఈ సినిమా త్వరలోనే ప్రేక్షకుల ముందుకు రాబోతోంది. రొమాంటిక్‌ కామెడీ ఎంటర్‌టైనర్‌గా తెెరకెక్కిన ఈ సినిమా ట్రైలర్‌ను అగ్ర దర్శకుడు సుకుమార్‌ విడుదల చేశారు. ఈ సందర్భంగా ఆయన మాట్లాడుతూ,'ఈ సినిమా మ్యూజిక్ డైరెక్టర్‌ డిఎస్‌ఆర్‌ నాకు బాగా పరిచయం. నా తొలి సినిమా 'ఆర్య'లో పాట పాడాడు. టైటిల్‌తోపాటు ట్రైలర్‌ చాలా బాగుంది. ఈ సినిమా పెద్ద విజయం సాధించి డైరెక్టర్‌ వినిత్‌ అడపా, నిర్మాత మధుబాబు కర్రికి మంచి పేరు రావాలని కోరుకుంటున్నాను' అని చెప్పారు.
ఈ చిత్రానికి కెమెరామెన్‌: పవన్‌ చెన్న, ఎడిటర్‌: సాగర్‌ ఉడగండ్ల, మ్యూజిక్: డిఎస్‌ఆర్‌, నిర్మాత: మధుబాబు కర్రి, దర్శకత్వం: వినిత్‌ అడపా.
