నాగ చైతన్య, సాయి పల్లవి జంటగా శేఖర్‌ కమ్ముల దర్శకత్వంలో తెరకెక్కిన చిత్రం 'లవ్‌ స్టోరి'. శ్రీ వెంకటేశ్వర సినిమాస్‌ ఎల్‌ఎల్‌ పీ, అమిగోస్‌ క్రియేషన్స్‌ సంస్థలు సంయుక్తంగా నిర్మించాయి.
కె.నారాయణదాస్‌ నారంగ్‌, పి. రామ్మోహన్‌రావు నిర్మాతలు. అన్ని కార్యక్రమాలను పూర్తి చేసుకుని ఈ సినిమా విడుదలకు సిద్ధమైంది. ఈ సందర్భంగా మేకర్స్‌ మాట్లాడుతూ, 'మా చిత్రాన్ని సెప్టెంబర్‌ 10న థియేటర్స్‌లో విడుదల చేస్తున్నాం. కరోనా సెకండ్‌ వేవ్‌ తర్వాత థియేటర్స్‌లో విడుదలవుతున్న ప్రెస్టీజియస్‌ మూవీ కావడంతో ఈ సినిమాపై అందరిలోనూ భారీ అంచనాలు ఉన్నాయి. రేవంత్‌, మౌనికల ప్రేమకథను తెరపై చూసేందుకు ఆడియెన్స్‌ చాలా రోజులుగా వేచి చూస్తున్నారు. అంతేకాకుండా మా సినిమా థియేటర్‌ రిలీజ్‌కు రావడంతో అటు ఎగ్జిబిషన్‌ సెక్టార్‌లోనూ ఉత్సాహం నింపబోతోంది. మా సినిమాలోని పాటలు ఇప్పటికే అనూహ్య ఆదరణ పొందాయి. యూట్యూబ్‌ వ్యూస్‌లో 'సారంగదరియా' ఆల్‌ టైమ్‌ రికార్డులు తిరగరాసింది. 'హే పిల్లా', 'నీ చిత్రం చూసి..' పాటలు కూడా మ్యూజిక్ లవర్స్‌ను బాగా అలరించాయి. మిలియన్ల కొద్దీ వ్యూస్‌ సంపాదించాయి. మ్యూజికల్‌ హిట్‌ సినిమాపై మరిన్ని అంచనాలు పెంచింది. దర్శకుడు శేఖర్‌ కమ్ముల చూపించబోయే ప్లెజంట్‌, ఎమోషనల్‌ ప్రేమ కథకు ఈ పాటలు అదనపు ఆకర్షణ కానున్నాయి' అని తెలిపారు. రాజీవ్‌ కనకాల, ఈశ్వరీ రావు, దేవయాని ఇతర కీలక పాత్రల్లో నటించిన ఈ చిత్రానికి సినిమాటోగ్రఫీ: విజరు సి.కుమార్‌, ఎడిటర్‌ : మార్తాండ్‌ కె.వెంకటేష్‌, మ్యూజిక్ : పవన్‌ సి.హెచ్‌, సహ నిర్మాత :భాస్కర్‌ కటకంశెట్టి, ఎగ్జిక్యూటివ్‌ ప్రొడ్యూసర్‌ : ఐర్ల నాగేశ్వరరావు, నిర్మాతలు : నారాయణ్‌ దాస్‌ కె నారంగ్‌,పి.రామ్మోహన్‌ రావు, రచన - దర్శకత్వం : శేఖర్‌ కమ్ముల.
