గోపీచంద్‌, సంపత్‌ నంది కాంబినేషన్‌లో తెరకెక్కుతున్న స్పోర్ట్స్‌ యాక్షన్‌ డ్రామా 'సీటీమార్‌'. పవన్‌ కుమార్‌ సమర్పణలో శ్రీనివాసా సిల్వర్‌ స్క్రీన్‌ పతాకంపై శ్రీనివాసా చిట్టూరి ఈ చిత్రాన్ని నిర్మిస్తున్నారు. తమన్నా హీరోయిన్‌గా నటించిన ఈ సినిమా విడుదలకు సిద్ధమైంది.
ఈ సందర్భంగా నిర్మాత శ్రీనివాసా చిట్టూరి మాట్లాడుతూ, 'భారీ బడ్జెట్‌తో, హై టెక్నికల్‌ వ్యాల్యూస్‌తో ఎక్కడా రాజీపడకుండా నిర్మించిన స్పోర్ట్స్‌ డ్రామా చిత్రమిది. ఆంధ్ర టీమ్‌ కబడ్డీ కోచ్‌గా గోపీచంద్‌, తెలంగాణ కబడ్డీ టీమ్‌ కోచ్‌గా తమన్నా నటించారు. భూమిక, బాలీవుడ్‌ యాక్టర్‌ తరుణ్‌ అరోరా కీలక పాత్రల్లో నటించారు. మణిశర్మ మ్యూజిక్, సౌందర్‌ రాజన్‌ సినిమాటోగ్రఫీ మా చిత్రాన్ని నెక్ట్స్‌ లెవల్‌కు తీసుకెళ్లాయి. డైరెక్టర్‌ సంపత్‌ నంది టేకింగ్‌ గురించి ప్రత్యేకంగా చెప్పనక్కర్లేదు. మాస్‌, కమర్షియల్‌ ఎలిమెంట్స్‌ను పర్‌ఫెక్ట్స్‌గా మిక్స్‌ చేసి, ప్రతి సీన్‌ను గ్రాండియర్‌గా ప్రేక్షకులను అలరించేలా తెరకెక్కించారు. సెప్టెంబర్‌ 3న థియేటర్స్‌లో వస్తున్న మా చిత్రం 100% ఆడియెన్స్‌కు ఓ డిఫరెంట్‌ ఎక్స్‌పీరియెన్స్‌ను ఇస్తుందని కచ్చితంగా చెబుతున్నాను' అని చెప్పారు.
