గోపీచంద్‌, తమన్నా, సంపత్‌ నంది కాంబినేషన్‌లో తెరకెక్కుతున్న చిత్రం 'సీటీమార్‌'. కబడ్డీ నేపథ్యంలో భారీ స్పోర్ట్స్‌ యాక్షన్‌ డ్రామాగా ఈ చిత్రాన్ని పవన్‌ కుమార్‌ సమర్పణలో, శ్రీనివాసా సిల్వర్‌ స్క్రీన్‌ పతాకంపై శ్రీనివాసా చిట్టూరి నిర్మిస్తున్నారు. వినాయక చవితి సందర్భంగా ఈ చిత్రాన్ని విడుదల చేసేందుకు సన్నాహాలు చేస్తున్నారు.
ఈ సందర్భంగా నిర్మాత శ్రీనివాసా చిట్టూరి మాట్లాడుతూ, 'గోపీచంద్‌, తమన్నా జంటగా మా శ్రీనివాసా సిల్వర్‌ స్క్రీన్‌ బ్యానర్‌పై భారీ బడ్జెట్‌, హై టెక్నికల్‌ వ్యాల్యూస్‌తో ఎక్కడా రాజీ పడకుండా నిర్మించిన స్పోర్ట్స్‌ డ్రామా చిత్రమిది. మంచి విందు భోజనంలాంటి సినిమా. నిర్మాతగానే కాదు, సగటు ప్రేక్షకుడిగా భావించి మా చిత్రాన్ని వినాయక చవితి కానుకగా సెప్టెంబర్‌ 10న భారీ ఎత్తున రిలీజ్‌ చేస్తున్నాం. గోపీచంద్‌ ఆంధ్ర టీమ్‌ కబడ్డీ కోచ్‌గా, తెలంగాణ కబడ్డీ టీమ్‌ కోచ్‌గా తమన్నా నటించారు. వీరితో పాటు భూమిక, బాలీవుడ్‌ యాక్టర్‌ తరుణ్‌ అరోరా కీలక పాత్రలు పోషించారు. మెలోడి బ్రహ్మ మణిశర్మ మ్యూజిక్, సౌందర్‌ రాజన్‌ సినిమాటోగ్రఫీతోపాటు టీమ్‌ వర్క్‌ సినిమాని నెక్ట్స్‌ లెవల్‌కు తీసుకెళ్లాయి. మాస్‌, కమర్షియల్‌ ఎలిమెంట్స్‌ను గ్రాండియర్‌గా ప్రేక్షకులను అలరించేలా డైరెక్టర్‌ సంపత్‌ నంది తెరకెక్కించారు' అని తెలిపారు.
