నితిన్‌ హీరోగా నటించిన నూతన చిత్రం 'మాస్ట్రో'. మేర్లపాక గాంధీ దర్శకుడు. శ్రేష్ట్‌ మూవీస్‌ పతాకంపై రాజ్‌ కుమార్‌ ఆకేళ్ళ సమర్పణలో ఎన్‌.సుధాకర్‌రెడ్డి, నిఖితా రెడ్డి నిర్మించారు.
ఈ నెల 17న డిస్నీ ప్లస్ హాట్‌ స్టార్‌లో ఈ సినిమా స్ట్రీమింగ్‌ కానుంది. ఈ సందర్భంగా డైరెక్టర్‌ మేర్లపాక గాంధీ సోమవారం మీడియాతో చిత్ర విశేషాలను షేర్‌ చేసుకున్నారు.
'అందాధున్‌' మూవీలోని థ్రిల్లింగ్‌ మూమెంట్స్‌ నచ్చాయి. క్రైమ్‌, డార్క్‌ హ్యూమర్‌ బాగా నచ్చాయి. రీమేక్‌ చేస్తే ఇలాంటి సినిమా చేయాలని అనిపించింది. 'మాస్ట్రో' అంటే మాస్టర్‌ ఆఫ్‌ మ్యూజిక్. చాలా టైటిల్స్‌ అనుకున్నప్పటికీ దీన్నే ఫిక్స్‌ చేశాం.
నితిన్‌, సుధాకర్‌ రెడ్డి అప్రోచ్‌ కావడంతో ఈ సినిమా ట్రాక్‌ ఎక్కేసింది. రీమేక్‌ కోసం ఒరిజినల్‌ వెర్షన్‌లోని లవ్‌స్టోరీ, క్లైమాక్స్‌లో కొన్ని మార్పులు చేశాం.
బేసిగ్గా రీమేక్‌ చేయడం కష్టం. ఉన్నది ఉన్నట్లుగా తీస్తే కాపీ, పేస్ట్‌ అంటారు. ఏమైనా మార్పులు, చేర్పులు చేస్తే సోల్‌ చెడగొట్టారని అంటారు. అందుకే ఒరిజినల్‌ వెర్షన్‌లోని ఫీల్‌ మిస్‌ కాకూడదని కొన్ని ఫ్రేమ్స్‌ని ఉన్నవి ఉన్నట్లుగా చేశాం.
ఈ సినిమా ఒరిజినల్‌ వెర్షన్‌ రూరల్‌ రీచ్‌ కాలేదు. మరి ఈ సినిమాని ఎలా రిసీవ్‌ చేసుకుంటారనేది చూడాలి. రీమేక్‌ సినిమాలు చేస్తుంటే కచ్చితంగా కంపారిజన్స్‌ ఉంటాయి. అందుకే ఈ సినిమా తర్వాత రీమేక్‌లు చేయదల్చుకోలేదు.
ఫస్ట్‌ షాట్‌ దగ్గర్నుంచే అంధుడిగా నితిన్‌ క్యారెక్టర్‌లో లీనమై చేశారు. టబు చేసిన పాత్రలో తమన్నా యాక్టింగ్‌ చూసి నేనే షాకయ్యా. డాక్టర్‌గా హర్ష క్యారెక్టర్‌, సింగర్‌ మంగ్లీతో సీన్స్‌ బాగా వచ్చాయి. రచ్చ రవి, సీనియర్‌ యాక్టర్‌ నరేష్‌, నభా నటేష్‌ అందరూ చాలా బాగా నటించారు.
మహతి స్వర సాగర్‌ మంచి మ్యూజిక్ ఇచ్చారు. నాలుగు పాటలను చాలా కొత్తగా ట్రై చేశారు. ఈ సినిమా అవుట్‌పుట్‌ చూసి నితిన్‌ చాలా హ్యాపీగా ఫీల్‌ అయ్యారు. నితిన్‌తో త్వరలోనే స్ట్రైయిట్‌ సినిమా చేస్తా.
మా నాన్న (మేర్లపాక మురళి) రొమాంటిక్‌ నవల్స్‌ రాస్తుంటారు. నాకేమో అవి నచ్చవు. ఈ విషయంలో మేమిద్దరం పోట్లాడుకుంటాం. ఇంట్లో రైటర్స్‌ ఉంటే ఇదే ప్రాబ్లెమ్‌ (నవ్వుతూ).
ఓ స్క్రిప్ట్‌ అనుకున్నాక దాన్ని ఫైనల్‌ స్టేజ్‌కి తీసుకొచ్చేందుకు నాకెక్కువ టైమ్‌ పడుతోంది. 42 రోజుల్లో 'మాస్ట్రో' సినిమా కంప్లీట్‌ చేశా. రాయడమే లేటుగాని, తీయడం ఫాస్ట్‌గా తీస్తా. త్వరలోనే నా నెక్ట్స్‌ సినిమా డిటైల్స్‌ చెబుతా. ఇకపై స్పీడ్‌గా సినిమాలు తీస్తా.
