శ్రీ సుబంద్రా క్రియేషన్స్‌ బ్యానర్‌ పై భమిడిపాటి వీర దర్శకత్వంలో రామ్‌.బి నిర్మిస్తున్న సినిమా 'నీ జతగా'. భరత్‌ బండారు, జ్ఞానేశ్వరి, నయని పావని, ప్రవణ్‌, బాలరాజు పులుసు, సునీల్‌ రాజ్‌, దీపక్‌ దగని, దీపు సల్ల, మెహబూబ్‌ భాషా, లిపికా, బాషా తదితరులు నటిస్తున్నారు.
ఈ నెలలోనే ఈ సినిమా ప్రేక్షకులకు ముందు కొచ్చేందుకు సిద్ధమవుతోంది.
ఈ సందర్భంగా డైరెక్టర్‌ భమిడిపాటి వీర మాట్లాడుతూ, 'ఇటీవల విడుదలైన మా టీజర్‌కి ప్రేక్షకులు నుంచి మంచి స్పందన లభించింది. అలాగే మా సినిమాలో 'ఇదే ఇదే..' అంటూ సాగేే పాటను రాయడంతోపాటు ఈ పాటను రిలీజ్‌ చేసిన గీత రచయిత అనంత్‌ శ్రీరామ్‌ గారికి, దీన్ని పాడిన నేపథ్యగాయకుడు అనురాగ్‌ కులకర్ణికి ధన్యవాదాలు' అని చెప్పారు. 'టీజర్‌తోపాటు అనంత్‌ శ్రీరామ్‌ రాసిన సాంగ్స్‌కిి కూడా మంచి రెస్పాన్స్‌ వచ్చింది. త్వరలో ట్రైలర్‌ని కూడా రిలీజ్‌ చేస్తున్నాం. మా సినిమాని చూసిన డిస్ట్రిబ్యూటర్స్‌ అందరూ చాలా బాగుందన్నారు. మా సినిమా మీద వాళ్లు చాలా నమ్మకంతో ఉన్నారు. ఇలాంటి కోవిడ్‌ పరిస్థితుల్లో దీన్నొక శుభసూచికంగా భావిస్తున్నాం. ఈనెలలోనే మా సినిమాని రిలీజ్‌ చేసేందుకు సన్నాహాలు చేస్తున్నాం' అని నిర్మాత రామ్‌ చెప్పారు. గీత రచయిత అనంత్‌ శ్రీరామ్‌ మాట్లాడుతూ, 'ప్రయాణం, జీవితం ఒకే చోట మొదలయినప్పుడు ట్రెక్కింగ్‌ చేస్తున్న నేపథ్యంలో 'ఇదే.. ఇదే..' అంటూ సాగే సాంగ్‌ మొదలవుతుంది. ఈ సాంగ్‌లో ప్రకతి గురించి చాలా ఆహ్లాదకరమయిన పదాలు జోడించి రాసినందుకు చాలా సంతోషంగా ఉంది' అని అన్నారు. ఈ చిత్రానికి పాటలు :అనంత్‌ శ్రీరామ్‌, మ్యూజిక్ :పవన్‌, సింగర్‌ : అనురాగ్‌ కులకర్ణి, డిఓపి :కె.వి.శ్రీధర్‌, ఎడిటర్‌ :ప్రభు.
