శివకార్తికేయన్‌ హీరోగా నెల్సన్‌ దిలీప్‌ కుమార్‌ దర్శకత్వంలో తెలుగు, తమిళ భాషల్లో తెరకెక్కిన చిత్రం 'డాక్టర్‌'. ఈ చిత్రాన్ని విజయదశమి సందర్బంగా అక్టోబర్‌ 9న తెలుగునాట ప్రేక్షకుల ముందుకి తీసుకురానున్నారు. కే.జె.ఆర్‌ స్టూడియోస్‌ కోటపాడి. జె. రాజేష్‌ ఈ చిత్రాన్ని గంగ ఎంటర్టైన్మెంట్స్‌, ఎస్‌ కె ప్రొడక్షన్స్‌తో సంయుక్తంగా నిర్మించారు. 'గ్యాంగ్‌ లీడర్‌' ఫేమ్‌ ప్రియాంక అరుల్‌ మోహన్‌ ఈ చిత్రంలో హీరోయిన్‌గా నటించగా, వినరురారు విలన్‌గా చేశారు.
ఈ సందర్బంగా నిర్మాత మాట్లాడుతూ, 'ఇదొక మంచి మాస్‌ ఎంటర్టైనర్‌. ప్రస్తుతం విజరు హీరోగా 'బీస్ట్‌' చిత్రాన్ని చేస్తున్న నెల్సన్‌ ఈ చిత్రాన్ని అద్భుతంగా తెరకెక్కించారు. శివకార్తికేయన్‌తో ఇదివరకు మేము తీసిన 'శక్తి' చిత్రం మంచి విజయం సాధించి, మాకు లాభాల పంట పండించింది. ఈ చిత్రం కూడా అలాగే సూపర్‌ హిట్‌ అవుతుందని ఆశిస్తూ, అక్టోబర్‌ 9న ప్రేక్షకుల ముందుకి తీసుకొస్తున్నాం. ప్రేక్షకుల అంచనాలని మించి ఈ చిత్రం ఉంటుందని కచ్చితంగా చెప్పగలను' అని చెప్పారు. 'శివకార్తికేయన్‌, అనిరుధ్‌ కాంబినేషన్‌తో మాస్‌ ఎంటర్టైనర్‌ కథతో తెరకెక్కిన చిత్రం ఇది. 'డాక్టర్‌ వరుణ్‌'గా శివ కార్తికేయన్‌ నవరసాలు చూపించారు. అన్ని వర్గాల ప్రేక్షకుల్ని నూటికి నూరు శాతం అలరిస్తుంది' అని డైరెక్టర్‌ నెల్సన్‌ అన్నారు. ఈ చిత్రానికి సినిమాటోగ్రఫీ : విజరు కార్తీక్‌ కన్నన్‌, ఎడిటర్‌ : ఆర్‌.నిర్మల్‌.
