నందు విజయ్ కష్ణ హీరోగా, రష్మీ గౌతమ్‌ హీరోయిన్‌గా నటిస్తున్న చిత్రం 'బొమ్మ బ్లాక్‌బస్టర్‌'. ఈ చిత్రాన్ని విజయీభవ ఆర్ట్స్‌ పతాకం పై ప్రవీణ్‌ పగడాల, బోసుబాబు నిడుమోలు, ఆనంద్‌ రెడ్డి మద్ది, మనోహర్‌ రెడ్డి యెడ నిర్మిస్తున్నారు. ఈ చిత్రం ద్వారా దర్శకుడు రాజ్‌ విరాట్‌ పరిచయం అవుతున్నారు. తాజాగా పూరీ జగన్నాథ్‌ తనయడు, హీరో పూరీ ఆకాష్‌ ఈ చిత్రంలోని 'లవ్‌ ఆల్‌ ది హేటర్స్‌ - పూరి యాంథమ్‌'ని విడుదల చేశారు.
ఈ సందర్భంగా చిత్ర యూనిట్‌ మాట్లాడుతూ,'పూరీ జగన్నాథ్‌ మాటలతో ఈ పాట మొదలైంది. 'పుట్టుకతోనే నువ్వు గెలిచి వచ్చావ్‌.. ఇంకా నీకు ఓటమి ఏంటన్నా..' అంటూ అద్భుతమైన లిరిక్స్‌తో ఉన్న ఈపాటకు అనూహ్య స్పందన వస్తోంది. ఇప్పటి వరకు విడుదలైన ఈ సినిమా పాటలకు, టీజర్‌కు అటు ఆడియెన్స్‌లోను, ఇటు ఇండిస్టీ వర్గాల్లోనూ అనూహ్య స్పందన వచ్చింది. ట్రేడ్‌లో కూడా బిజినెస్ క్రేజ్‌ని సొంతం చేసుకోవడంతో 'బొమ్మ బ్లాక్‌ బస్టర్‌' అనేలా అందరిలోనూ అంచనాలను పెంచింది' అని చెప్పారు.
కిరిటి, రఘు కుంచె నటిస్తున్న ఈచిత్రానికి మ్యూజిక్ : ప్రశాంత్‌ ఆర్‌. విహారి, ఎడిటర్‌ : బి. సుభాష్కర్‌, సినిమాటోగ్రఫీ : సుజాతా సిద్ధార్థ్‌.
