హేబా పటేల్‌ టైటిల్‌ పాత్ర పోషిస్తున్న చిత్రం 'గీత'. వి.వి.వినాయక్‌ శిష్యుడు విశ్వా.ఆర్‌.రావును దర్శకుడిగా పరిచయం చేస్తూ, గ్రాండ్‌ మూవీస్‌ పతాకంపై ఆర్‌.రాచయ్య నిర్మిస్తున్న విభిన్న కథాచిత్రమిది.
'మ్యూట్‌ విట్నెస్‌' అనేది ఉప శీర్షిక. 'ఈ చిత్రంలో సునీల్‌ హీరోగా నటిస్తుండగా, 'నువ్వే కావాలి, ప్రేమించు' చిత్రాల ఫేమ్‌ సాయి కిరణ్‌ ప్రతి నాయకుడిగా తొలిసారి ప్రేక్షకుల ముందుకు రాబోతున్నారు. ఇక టైటిల్‌ పాత్రధారి గీతగా హేబాపటేల్‌ అనాథల కోసం పోరాడే మూగ యువతిగా, ఓ ఛాలెంజింగ్‌ రోల్‌ చేశారు. చిత్రీకరణ పూర్తి చేసుకుని, పోస్ట్‌ ప్రొడక్షన్‌ జరుపుకుంటున్న ఈ చిత్ర ఫస్ట్‌ లుక్‌ను వి.వి.వినాయక్‌ త్వరలోనే రిలీజ్‌ చేయబోతున్నారు' అని చిత్ర యూనిట్‌ తెలిపింది. రామ్‌ కార్తిక్‌, సప్తగిరి, రాజీవ్‌ కనకాల, పథ్వి (30 ఇయర్స్‌), తనికెళ్ళ భరణి, సంధ్యా జనక్‌, సూర్య, లలిత, ప్రియ, మీనాకుమారి, జబర్దస్త్‌ అప్పారావు, జబర్దస్త్‌ దుర్గారావు తదితరులు నటిస్తున్న ఈ చిత్రానికి పాటలు: సాగర్‌, సంగీతం: సుభాష్‌ ఆనంద్‌, పోరాటాలు: రామ్‌ కిషన్‌, కళ: జె.కె.మూర్తి, ఛాయాగ్రహణం: క్రాంతికుమార్‌.కె, కూర్పు: ఉపేంద్ర.
