'దేవి', 'పెదరాయుడు' చిత్రాలతో బాలనటుడిగా గుర్తింపు తెచ్చుకున్న మహేంద్ర, శ్రద్ధా దాస్‌, అజరు, ఆమని, సాహితీ అవంచ ప్రధాన తారలుగా రూపొందుతున్న సైకలాజికల్‌ థ్రిల్లర్‌ 'అర్థం'. రిత్విక్‌ వెత్సా సమర్పణలో మినర్వా పిక్చర్స్‌, ఎస్‌విఎమ్‌ (శ్రీ వాసవి మూవీ) ప్రొడక్షన్స్‌ పతాకాలపై రాధికా శ్రీనివాస్‌ నిర్మిస్తున్నారు. తెలుగు, తమిళం, మలయాళం, కన్నడ భాషల్లో ఈ సినిమా తెరకెక్కింది. అనేక చిత్రాలకు ఎడిటర్‌గా, వీఎఫ్‌ఎక్స్‌ నిపుణుడిగా పని చేసి మంచి గుర్తింపు తెచ్చుకున్న మణికాంత్‌ తెల్లగూటి ఈ చిత్రానికి రచయిత, దర్శకుడు.దర్శకుడు దేవ్‌ కట్టా ఈ చిత్ర ఫస్ట్‌లుక్‌ మోషన్‌ పోస్టర్‌ను విడుదల చేసి, సినిమా విజయవంతం కావాలని ఆకాంక్షించారు.
ఈ సందర్భంగా నిర్మాత రాధికా శ్రీనివాస్‌ మాట్లాడుతూ, 'ఫస్ట్‌లుక్‌ మోషన్‌ పోస్టర్‌ విడుదల చేసిన దేవ్‌ కట్టా గారికి కతజ్ఞతలు. మోషన్‌ పోస్టర్‌లో విజువల్‌ ఎఫెక్ట్స్‌ హై స్టాండర్డ్స్‌లో ఉన్నాయని నెటిజన్లు ప్రశంసిస్తున్నారు. అలాగే చివర్లో గన్‌ పట్టుకుని కనిపించిన మహేంద్ర, శ్రద్ధా దాస్‌ కనిపించిన విధానం సినిమాపై మరింత క్యూరియాసిటి పెంచాయి. ప్రేక్షకులను ఉత్కంఠకు గురిచేసే కథాంశంతో రూపొందుతున్న సైకలాజికల్‌ థ్రిల్లర్‌ చిత్రమిది. ఈ చిత్రాన్ని మణికాంత్‌ తెల్లగూటి అద్భుతంగా తెరకెక్కించారు. తెలుగులో 'ఖైదీ'కి అద్భుతమైన మాటలు, పలు చిత్రాల్లో పాటలు రాసిన రాకేందు మౌళి దీనికి మాటలు, పాటలు రాశారు. హర్షవర్ధన్‌ రామేశ్వర్‌ చక్కటి బాణీలు అందించారు. చిత్రీకరణ పూర్తయింది. త్వరలో విడుదల తేదీ వెల్లడిస్తాం' అని అన్నారు.
'కుటుంబ విలువలను కాపాడేలా, మహిళా సాధికారతను పెంపొందించే సరికొత్త కథాం శంతో రూపొందుతున్న సినిమా ఇది. సైకలా జికల్‌ థ్రిల్లర్‌కి, వినోదాన్ని జోడించి ఆసక్తి కరంగా తీర్చిదిద్దుతున్నాం. వీఎఫ్‌ఎక్స్‌లో నాకు అనుభవం ఉండటంతో వీఎఫ్‌ఎక్స్‌ విషయంలో మరింత శ్రద్ధ తీసుకుంటున్నాం. అత్యుత్తమ నిర్మాణ విలువలతో రాధికా శ్రీనివాస్‌ గారు ఈ సినిమాని నిర్మించారు' అని దర్శకుడు మణికాంత్‌ తెల్లగూటి చెప్పారు.
