ప్రభుదేవా, ఆదాశర్మ, నిక్కిగల్రాని హీరో, హీరోయిన్లుగా నటించిన తమిళ చిత్రం 'చార్లీ చాప్లిన్‌'. ఈ చిత్రాన్ని శ్రీ తారకరామ పిక్చర్స్‌ పతాకంపై ఎమ్‌.వి.కష్ణ సమర్పణలో వి.శ్రీనివాసరావు, గుర్రం మహేష్‌ చౌదరి తెలుగులోకి 'మిస్టర్‌ ప్రేమికుడు' పేరుతో అనువదించారు. అన్ని కార్యక్రమాలు పూర్తి చేసుకున్న ఈ చిత్రం రిలీజ్‌కి రెడీగా ఉంది.
ఈ సందర్భంగా నిర్మాతలు వి.శ్రీనివాసరావు, గుర్రం మహేష్‌ చౌదరి మాట్లాడుతూ, 'తమిళంలో 'చార్లీ చాప్లిన్‌'గా రూపొందిన ఈ చిత్రం విశేష ప్రేక్షకాదరణతో మంచి విజయం సాధించింది. అలాగే మంచి వసూళ్ళని కూడా రాబట్టింది. ఈ చిత్రాన్ని తెలుగులో 'మిస్టర్‌ ప్రేమికుడు' పేరుతో అనువదిస్తున్నాం. ఇప్పటికే అనువాద కార్యక్రమాలు పూర్తయ్యాయి. ఫుల్‌ లెంగ్త్‌ కామెడీ ఎంటర్‌టైనర్‌గా రూపొందిన ఈ చిత్రంలోని పాటలు, సెకండాఫ్‌లో వచ్చే సన్నివేశాలు హైలెట్‌గా నిలుస్తాయి. ప్రభుదేవా పర్ఫార్మెన్స్‌, డాన్స్‌తో పాటు అదాశర్మ, నిక్కిగల్రాని అందం, అభినయం సినిమాకి ప్రత్యేక ఆకర్షణ. చాలా కాలం తర్వాత ప్రభుదేవా మార్క్‌ హాస్యంతో పాటు ఆయన డాన్స్‌ని మరోసారి ప్రేక్షకులు ఈ సినిమాలో చూడబోతున్నారు. ఈ నెల 29న ఈ చిత్రాన్ని గ్రాండ్‌గా విడుదల చేసేందుకు సన్నాహాలు చేస్తున్నాం. అన్ని వర్గాల ప్రేక్షకులకు కావాల్సిన అన్ని కమర్షియల్‌ హంగులున్న మా చిత్రాన్ని ఆదరిస్తారని కోరుకుంటున్నాం' అని చెప్పారు.
