కార్తికేయ గుమ్మకొండ హీరోగా నటించిన స్పై యాక్షన్‌ ఎంటర్టైనర్ 'రాజా విక్ర మార్క'. శ్రీ చిత్ర మూవీ మేకర్స్‌ పతాకంపై ఆదిరెడ్డి.టి సమర్పణలో '88' రామారెడ్డి నిర్మించారు. అగ్ర దర్శకుడు వి.వి. వినాయక్‌ శిష్యుడు శ్రీ సరిపల్లి దర్శకుడిగా పరిచయం అవుతున్నారు. త్వరలోనే ఈ సినిమా ప్రేక్షకుల ముందుకు రానుంది.
ఈ సందర్భంగా నిర్మాత '88' రామారెడ్డి మాట్లాడుతూ, 'హీరో కార్తికేయ లేకుండా ఈ సినిమాను ఊహించలేం. ఏజెంట్‌ విక్రమ్‌ పాత్రలో ఇరగదీశారు. యాక్టింగ్‌, యాక్షన్‌ సీన్స్‌ పరంగా ఆయనకు ఈ సినిమా నెక్స్ట్‌ లెవల్‌ సినిమా అవుతుంది. దర్శకుడు శ్రీ సరిపల్లికి తొలి సినిమా అయినప్పటికీ బాగా తీశాడు. ఫస్ట్‌ కాపీ రెడీ అయ్యింది. మేమంతా సినిమా పట్ల చాలా హ్యాపీగా ఉన్నాం. త్వరలో సెన్సార్‌ పూర్తి చేసి, నవంబర్‌ 12న థియేటర్లలో విడుదల చేయాలనేది మా ప్లాన్‌. కమర్షియల్‌ హంగులతో పాటు కొత్తదనం కూడిన ఈ న్యూ ఏజ్‌ యాక్షన్‌ ఎంటర్టైనర్ ప్రేక్షకులను తప్పకుండా అలరిస్తుంది' అని చెప్పారు.
'ఎన్‌ఐఏ ఏజెంట్‌ విక్రమ్‌ పాత్రలో కార్తికేయ కొత్తగా కనిపిస్తారు. ఆయన లుక్‌, క్యారెక్టరైజేషన్‌ కొత్తగా ఉంటాయి. కార్తికేయ కెరీర్‌లో బెస్ట్‌ లుక్‌ అని కచ్చితంగా చెప్పొచ్చు. స్క్రీన్‌ప్లే చాలా ఇంట్రెస్టింగ్‌గా ఉంటుంది. స్క్రిప్ట్‌కి అనుగుణంగా ఎక్కువ లొకేషన్స్‌లో షూటింగ్‌ చేశాం. కార్తికేయతో పాటు తనికెళ్ల భరణి, సాయికుమార్‌, పశుపతి, తాన్యా రవిచంద్రన్‌, హర్షవర్ధన్‌, సుధాకర్‌ కోమాకుల పాత్రలకు కథలో చాలా ప్రాముఖ్యం ఉంటుంది. ఇంపార్టెంట్‌ రోల్స్‌ క్యారెక్టరైజేషన్‌తో పాటు వాళ్ళు ఉపయోగించే వెహికల్స్‌, గన్స్‌ దగ్గర్నుంచి ప్రతి అంశంలోనూ ఎంతో జాగ్రత్త తీసుకున్నాం. సినిమా చాలా బాగా వచ్చింది' అని దర్శకుడు శ్రీసరిపల్లి అన్నారు.
ఈ చిత్రానికి ఛాయాగ్రహణం: పి.సి.మౌళి, సంగీతం: ప్రశాంత్‌ ఆర్‌. విహారి, ఎడిటింగ్‌: జస్విన్‌ ప్రభు, ఆర్ట్‌: నరేష్‌ తిమ్మిరి, ఫైట్స్‌: సుబ్బు,నబా, పథ్వీ శేఖర్‌, పాటలు: రామజోగయ్య శాస్త్రి, కష్ణ కాంత్‌. విఎఫ్‌ఎక్స్‌ సూపర్‌ వైజర్‌: నిఖిల్‌ కోడూరు, సౌండ్‌ ఎఫెక్ట్స్‌: సింక్‌ సినిమా, సమర్పణ: ఆదిరెడ్డి.టి, నిర్మాత: '88' రామారెడ్డి, దర్శకత్వం: శ్రీ సరిపల్లి.
