'గరుడవేగ' అంజి దర్శకుడిగా పరిచయమవుతున్న సినిమా 'టెన్త్‌ క్లాస్‌ డైరీస్‌'. ఛాయాగ్రాహకుడిగా ఆయన 50వ చిత్రమిది. అవికా గోర్‌, శ్రీరామ్‌ ప్రధాన పాత్రల్లో ఎస్‌ఆర్‌ మూవీ మేకర్స్‌, అన్విత అవని క్రియేషన్‌ పతాకాలపై అచ్యుత రామారావు.పి, రవితేజ మన్యం సంయుక్తంగా నిర్మించారు. ఈ చిత్ర ఫస్ట్‌లుక్‌ను అగ్ర దర్శకుడు క్రిష్‌ జాగర్లమూడి ఇటీవల విడుదల చేశారు.
ముఖ్య తారాగణం అందరికీ ఇంపార్టెన్స్‌ ఇచ్చిన ఈ లుక్‌ ప్రేక్షకులను విశేషంగా ఆకట్టుకుంటోంది. త్వరలో టీజర్‌ని, డిసెంబర్‌లో సినిమాను విడుదల చేసేందుకు సన్నాహాలు చేస్తున్నారు.
ఈ సందర్భంగా నిర్మాతలు అచ్యుత రామారావు.పి, రవితేజ మన్యం మాట్లాడుతూ, 'విజయదశమికి మా సినిమా టైటిల్‌ వెల్లడించాం. చాలామంది ఫోన్లు చేసి 'టెన్త్‌ క్లాస్‌ డైరీస్‌' అనగానే, మా టెన్త్‌ క్లాస్‌ రోజులు గుర్తు చేసుకున్నామన్నారు. ప్రేక్షకులందరినీ నోస్టాల్జియాలోకి తీసుకువెళ్లే చిత్రమిది. ఈ సినిమా విడుదలైన తర్వాత అవికా గోర్‌ అంటే 'టెన్త్‌ క్లాస్‌ డైరీస్‌' గుర్తుకు వస్తుంది. అంతలా పాత్రలో లీనమై ఆమె నటించారు. కీలక పాత్రలో శ్రీరామ్‌ సైతం ప్రేక్షకులకు గుర్తుండే పాత్రలో కనిపిస్తారు. కథ ప్రకారం హైదరాబాద్, చిక్‌ మంగళూరు, రాజమండ్రి, అమెరికాలో షూటింగ్‌ చేశాం. ప్రస్తుతం డబ్బింగ్‌ పనులు జరుగుతున్నాయి. టైటిల్‌, ఫస్ట్‌లుక్‌కు లభిస్తున్న స్పందన మాకెంతో సంతోషాన్ని ఇచ్చింది. డిసెంబర్‌లో చిత్రాన్ని విడుదల చేయాలని అనుకుంటున్నాం. ఓ మంచి కాన్సెప్ట్‌తో చేస్తున్న ఈ చిత్రాన్ని అందరూ ఆదరిస్తారని ఆశిస్తున్నాం' అని తెలిపారు.
'కమర్షియల్‌ హంగులతో పాటు కొత్తదనం ఉన్న సినిమా ఇది. ప్రతి ఒక్కరి జీవితంలో టెన్త్‌ క్లాస్‌ అనేది ఒక టర్నింగ్‌ పాయింట్‌. స్నేహం, ఆకర్షణ, ప్రేమ, జీవిత లక్ష్యాలు, ఎన్నెన్నో కలలు... అన్నిటికీ పునాది టెన్త్‌ క్లాస్‌లో పడుతుంది. జీవితంలో ఎంత ఎత్తుకు ఎదిగినా, టెన్త్‌ క్లాస్‌ రోజులను ఎవరూ మర్చిపోలేరు. ప్రతి ఒక్కరికీ టెన్త్‌ క్లాస్‌ రోజులను గుర్తు చేసే విధంగా స్నేహం, ప్రేమ, ఆకర్షణ, ఆకాంక్షలను స్పశిస్తూ తీసిన చిత్రమిది. ప్రేక్షకుల హదయానికి హత్తుకునే విధంగా సినిమా ఉంటుంది. మా నిర్మాతలు, టెక్నికల్‌ టీమ్‌ సహకారంతో అనుకున్న విధంగా సినిమా వచ్చింది. అందరికీ నచ్చుతుంది' అని దర్శకుడు 'గరుడవేగ' అంజి అన్నారు.
