తాన్య దేశాయ్‌, అంకిత్‌ రాజ్‌, కావ్య రెడ్డి, సీనియర్‌ హీరో వినోద్‌ కుమార్‌ ముఖ్య పాత్రధారులుగా నటించిన చిత్రం 'స్ట్రీట్‌ లైట్‌'. విశ్వ దర్శకత్వంలో నిర్మాత, డిస్ట్రిబ్యూటర్‌ మామిడాల శ్రీనివాస్‌ ఈ చిత్రాన్ని నిర్మించారు. ఈ చిత్రం నవంబర్‌ 12న తెలుగు, హిందీ భాషల్లో విడుదల కానుంది. ఈ సందర్భంగా నిర్మాత మామిడాల శ్రీనివాస్‌ మాట్లాడుతూ,'సినిమా చాలా బాగా వచ్చింది. మా సినిమాని దీపావళి సందర్భంగా నవంబర్‌ 12న తెలుగు, హిందీ బాషల్లో ఒకేసారి థియేటర్లలో విడుదల చేస్తున్నాం. ఇందులో ఆన్ని రకాల షేడ్స్‌ ఉన్న పాత్రలతో పాటు మంచి మెసేజ్‌ ఉంది. ఫ్యామిలీ అందరూ కలిసి చూడవలసిన సినిమా ఇది' అని తెలిపారు. 'ఒక రాత్రి స్ట్రీట్‌ లైట్‌ కింద విభిన్న వ్యక్తుల వింత పోకడలను సునిశితమైన రీతిలో, వినోదాత్మకంగా చూపించబోతున్నాం. అలాగే ఓ యువతి తనకి జరిగిన అన్యాయానికి ఏవిధంగా ప్రతీకారం తీర్చుకుంది అనే రివెంజ్‌ డ్రామా కూడా ఇందులో ఉంటుంది. మంచి మేకింగ్‌ వాల్యూస్‌తో, వైవిధ్యభరితమైన సినిమాను తీసినందుకు సెన్సార్‌ సభ్యులు అభినందించారు' అని దర్శకుడు విశ్వ అన్నారు.
