కీర్తి సురేష్‌ టైటిల్‌ పాత్రలో నటించిన లేడీ ఓరియెంటెడ్‌ చిత్రం 'గుడ్‌ లక్‌ సఖి'. ఆది పినిశెట్టి, జగపతి బాబు కీలక పాత్రల్లో నటిస్తున్నారు. సహ నిర్మాత శ్రావ్య వర్మ నేతత్వంలో ఎక్కువ మంది మహిళా సభ్యుల బందంతో ఈ సినిమా రూపొందడం విశేషం. కీర్తి సురేష్‌ బర్త్‌ డే సందర్భంగా రిలీజ్‌ చేసిన పోస్టర్‌లో సినిమాను నవంబర్‌లో ప్రేక్షకుల ముందుకు తీసుకురాబోతున్నట్టు ప్రకటించిన విషయం తెలిసిందే. తాజాగా ఈ చిత్రానికి సంబంధించిన విడుదల తేదీని మేకర్స్‌ ప్రకటించారు. ఈ సందర్భంగా రిలీజ్‌ చేసిన పోస్టర్‌లో కీర్తి సురేష్‌ తన టార్గెట్‌కు గురిపెట్టినట్టు కనిపిస్తోంది. అంతే కాకుండా ఈ పోస్టర్‌లో ఆది పినిశెట్టి, జగపతి బాబు కూడా కనిపిస్తున్నారు. 'ఈనెల 26న ఈ సినిమా రిలీజ్‌ కానుంది. నగేష్‌ కుకునూర్‌ దర్శకత్వం వహిస్తున్న ఈ సినిమాని దిల్‌రాజు సమర్పణలో వర్త్‌ ఏ షాట్‌ మోషన్‌ ఆర్ట్స్‌ బ్యానర్‌ పై సుధీర్‌ చంద్ర పదిరి నిర్మిస్తున్నారు. దేవిశ్రీ ప్రసాద్‌ సంగీతం సమకూరుస్తుండగా, చిరంతన్‌ దాస్‌ సినిమాటోగ్రఫీ బాధ్యతలు నిర్వహిస్తున్నారు. ఈ సినిమా అందర్నీ తప్పకుండా అలరిస్తుంది' అని చిత్ర యూనిట్‌ పేర్కొంది.
