సాయి రోనక్‌, నేహ సోలంకి హీరో, హీరోయిన్లుగా సురేష్‌ శేఖర్‌ రేపల్లే దర్శకత్వంలో తెరకెక్కుతున్న చిత్రం 'ఛలో ప్రేమిద్దాం'. హిమాలయ స్టూడియో మేన్సన్స్‌ పతాకంపై ఉదరు కిరణ్‌ ఈ చిత్రాన్ని నిర్మిస్తున్నారు. తాజాగా భీమ్స్‌ సిసిరోలియో సంగీతాన్ని సమకూర్చిన ఈ చిత్రంలోని ఫస్ట్‌ సింగిల్‌ను శుక్రవారం జగపతి బాబులాంచ్‌ చేసి, చిత్ర యూనిట్‌కు శుభాకాంక్షలు తెలిపారు. 'ఎమ్‌బిఏ, ఎమ్‌సిఏలు చదవలేకపోతివి..' అంటూ సాగే ఈ కాలేజ్‌ సాంగ్‌కు దేవ్‌పవార్‌ సాహిత్యాన్ని సమకూర్చగా, వెంకట్‌ దీప్‌ కొరియోగ్రఫీ అందించారు. ఆదిత్య ద్వారా ఈ సినిమా ఆడియో మార్కెట్‌లోకి విడుదలైంది. ఈ సందర్భంగా నిర్మాత ఉదరు కిరణ్‌ మాట్లాడుతూ, 'జగపతి బాబుగారి చేతుల మీదుగా మా చిత్రంలోని ఫస్ట్‌ సాంగ్‌ లాంచ్‌ చేసినందుకు, ఆయనకు చాలా థ్యాంక్స్‌. ఈ పాటకు అనూహ్య స్పందన వస్తోంది. అలాగే ఇటీవల విడుదలైన ఈ చిత్ర ఫస్ట్‌ లుక్‌, మోషన్‌ పోస్టర్‌కి కూడా అద్భుతమైన స్పందన వచ్చింది. ప్రస్తుతం సెన్సార్‌ పనులు శరవేగంగా జరుగుతున్నాయి. త్వరలో సినిమాను గ్రాండ్‌గా రిలీజ్‌ చేయడానికి సన్నాహాలు చేస్తున్నాం' అని తెలిపారు. 'ఎమ్‌బిఏ, ఎమ్‌సిఏలు చదవలేకపోతివి..' అనే పల్లవితో ప్రారంభమయ్యే ఈ కాలేజ్‌ సాంగ్‌ యూత్‌తో పాటు ప్రతి ఒక్కరికీ కనెక్టయ్యే విధంగా భీమ్స్‌ కంపోజ్‌ చేశారు. దేవ్‌ పవార్‌ ట్రెండీగా రాశారు. మ్యూజిక్‌కి తగ్గట్టుగా డిఫరెంట్‌ స్టెప్స్‌తో వెంకట్‌ దీప్‌ సాంగ్‌ను కొరియోగ్రఫీ చేశారు' అని దర్శకుడు సురేష్‌ శేఖర్‌ రేపల్లే అన్నారు.
హీరో సాయిరోనక్‌ మాట్లాడుతూ, 'సినిమాలో వచ్చే ఫస్ట్‌ సాంగ్‌ ఇది. చాలా ఎనర్జిటిక్‌గా ఉంటుంది. భీమ్స్‌ వండర్‌ఫుల్‌గా కంపోజ్‌ చేశారు. వెంకట్‌ మాస్టర్‌ స్టెప్స్‌ కూడా కొత్తగా ట్రై చేశారు. అందరికీ సాంగ్‌ నచ్చుతుందని ఆశిస్తున్నాం' అని చెప్పారు. శశాంక్‌, సిజ్జు, అలీ, నాగినీడు, పోసాని కష్ణమురళి, రఘుబాబు, బాహుబలి ప్రభాకర్‌, హేమ, రఘు కారుమంచి, సూర్య, తాగుబోతు రమేష్‌, అనంత్‌ తదితరులు నటిస్తున్న ఈ చిత్రానికి పాటలు : సురేష్‌ గంగుల, దేవ్‌.
