రామ్‌ గోపాల్‌ వర్మ దర్శకత్వంలో రూపొందిన తాజా చిత్రం 'లడకి'. ఆర్ట్‌ సి మీడియా, చైనా కంపెనీ బిగ్‌ పీపుల్‌ సంయుక్తంగా నిర్మించిన చిత్రమిది. ఈ చిత్ర ట్రైలర్‌ను ఆర్‌జీవీ సోషల్‌ మీడియా ద్వారా విడుదల చేశారు.
ఈ సందర్భంగా చిత్ర బృందం మాట్లాడుతూ, 'వర్మగారి కెరీర్‌లోనే అత్యంత ఖరీదైన, ప్రతిష్టాత్మకమైన సినిమా ఇది. ట్రైలర్‌కి అద్భుతమైన స్పందన వచ్చింది. అమితాబ్‌ బచ్చన్‌ వంటి హేమాహేమీలు ట్రైలర్‌ బాగుందంటూ వర్మకి శుభాకాంక్షలు తెలిపారు. మార్షల్‌ ఆర్ట్స్‌ రారాజు బ్రూస్‌ లీ నటించిన 'ఎంటర్‌ ది డ్రాగన్‌' చిత్రానికి నివాళిగా, అలాగే బ్రూస్‌లీకి ఈ చిత్రాన్ని వర్మ అంకితం ఇస్తున్నారు. ఈ సినిమా హిందీతో పాటు చైనా భాషలో కూడా విడుదల కానుంది. చైనాలో 'డ్రాగన్‌ గర్ల్‌' టైటిల్‌తో విడుదల చేస్తారు. మార్షల్‌ ఆర్ట్స్‌లో నిపుణురాలైన పూజ భలేకర్‌ టైటిల్‌ రోల్‌ పోషించారు. ఆమె ఫైటింగ్‌ స్కిల్స్‌ ఈ చిత్రానికి హైలైట్‌గా నిలుస్తాయి. భారత దేశంలోనే మొదటి మార్షల్‌ ఆర్ట్స్‌ చిత్రమిది. ఈనెల 27న బ్రూస్‌ లీ 81 వ జయంతి సందర్భంగా దుబారులోని బుర్జ్‌ ఖలీఫాలో ఈ సినిమా పోస్టర్‌ను విడుదల చేస్తున్నారు. అలాగే చైనాలోని ఫోషన్‌ కుంగ్‌ ఫు ఫిలిం ఫెస్టివల్లో ఈ చిత్రాన్ని ప్రీమియర్‌ చేస్తారు. ఈ చిత్రాన్ని ప్రపంచవ్యాప్తంగా డిసెంబర్‌ 10న విడుదల చేస్తున్నారు. చైనాలోని భారీ డిస్ట్రిబ్యూషన్‌ సంస్థ చైనా ఫిలిం గ్రూప్‌ కార్పొరేషన్‌ భారీ ప్రమోషన్‌తో 20 వేల థియేటర్స్‌లో ఈ సినిమాని ప్రేక్షకుల ముందుకు తీసుకొచ్చేందుకు రంగం సిద్ధం చేసింది' అని అన్నారు.
