నాని కథానాయకుడిగా నటిస్తున్న తాజా చిత్రం 'శ్యామ్‌ సింగ రారు'. ఈ చిత్రాన్ని నిహారిక ఎంటర్టైన్మెంట్స్‌ బ్యానర్‌ పై ప్రొడక్షన్‌ నెం.1గా వెంకట్‌ బోయనపల్లి నిర్మిస్తున్నారు. రాహుల్‌ సంకత్యాన్‌ దర్శకత్వం వహిస్తున్న ఈ చిత్రాన్ని ఈనెల 24న ప్రపంచవ్యాప్తంగా విడుదల చేసేందుకు సన్నాహాలు చేస్తున్నారు. ఈ సందర్భంగా నిర్మాత వెంకట్‌ బోయనపల్లి శనివారం మీడియాతో ముచ్చటించారు.
   12 ఏండ్లుగా ఇండిస్టీలోనే ఉన్నాను. ఎన్నో సినిమాలకు బ్యాకెండ్‌ పని చేశాను. ఈ సినిమా మేకింగ్‌ విషయంలో ఏనాడూ ఒత్తిడికి గురి కాలేదు. దానికి కారణం హీరో నాని. ఆయన ఈ కథని నమ్మారు. నిజం చెప్పాలంటే, నేను వేరే సినిమా చేయాల్సింది. కానీ నానిగారే నన్ను ఈ సినిమా చేయమన్నారు.
   మొదటి రోజు నుంచి కూడా ఈ సినిమా హిట్‌ అవుతుందని అనుకున్నాం. గొప్ప సినిమా చేయాలని అందరూ అనుకుంటారు. నానికి 'జర్సీ' ఎలాగో నాకు శ్యామ్‌ సింగరారు అలాంటి సినిమా. ఈ సినిమాలో ఉన్న ముగ్గురు హీరోయిన్స్‌ కూడా చాలా బాగా చేశారు. దర్శకుడు రాహుల్‌ సాంకత్యాన్‌ మేకింగ్‌ ప్రేక్షకులను తప్పకుండా థ్రిల్‌ చేస్తుంది.
   ఇదొక అద్భుతమైన ప్రేమ కథ. సినిమా చూస్తే కచ్చితంగా 1970 కలకత్తాకు వెళ్తాం. అక్కడి కల్చర్‌ తెలుస్తుంది. మనం కచ్చితంగా 70వ దశకంలోకి వెళ్లినట్టు ఫీలవుతాం. అప్పటి పరిస్థితులను కళ్లకు కట్టినట్టు ఉంటాయి. కలకత్తా బ్యాక్‌డ్రాప్‌ను చూపించేందుకు భారీ సెట్స్‌ వేశాం. అంతేకాకుండా కలకత్తాకు 400 కి.మీ దూరంలో ఉన్న ఊర్లో షూటింగ్‌ చేశాం.
   తెలుగు వాళ్లకి మాత్రమే నచ్చే సినిమా కాదు. ఇది యూనివర్సల్‌ సబ్జెక్ట్‌. ఈ కథకు ప్రతి ఒక్కరూ కనెక్ట్‌ అవుతారు. బెంగాలీలో రిలీజ్‌ చేయాలనే ఉద్దేశ్యం లేదు. దక్షిణాది భాషల్లో మాత్రమే రిలీజ్‌ చేస్తున్నాం. ఇది హిందీలో రీమేక్‌ అవుతుందనే నమ్మకంతో అక్కడ విడుదల చేయడం లేదు.
   దిల్‌ రాజు లాంటి పెద్ద డిస్ట్రిబ్యూటర్లు మా సినిమాని రిలీజ్‌ చేస్తున్నారు. మాకు కావాల్సినన్నీ థియేటర్లు ఇచ్చారు. మేం అనుకున్న థియేటర్లని ఇవ్వడం ఆనందంగా ఉంది.
   నా దష్టిలో హీరో, దర్శకులంటే నిర్మాతకి ప్రేమ ఉండాలి. వారిపై నమ్మకం ఉండాలి. అలాంటప్పుడే మంచి సినిమా వస్తుందని నేను నమ్ముతాను.
   మొదటగా నిర్మాత అవ్వాలనే ఆలోచన లేదు. 'కష్ణార్జున యుద్దం' సినిమాకి నేను కూడా భాగస్వామిని. అయితే ఆ సినిమా చేసే సమయంలో సొంత ప్రొడక్షన్‌ పెట్టాలనుకున్నాను. అది కూడా నాని సినిమాతోనే ప్రారంభించాలని రెండున్న రేండ్ల్లుగా ఎదురు చూశాను. అలా నానితో ఇలాంటి స్పెషల్‌ మూవీ చేసే అవకాశం వచ్చింది. మళ్లీ ఇలాంటి సినిమాని చేస్తానో కూడా తెలీదు. మంచి సినిమా తీయాలనే కోరిక నిర్మాతలందరికీ ఉంటుంది. నేను నాని గారితో మంచి సినిమా తీయాలని అనుకున్నాను. ఈ సినిమా తీసినందుకు హ్యాపీగా ఉంది. సినిమా విడుదలైతే, అందరూ కచ్చితంగా బాగుందని అంటారు. ఒక్కమాటలో చెప్పాలంటే నిహారిక ఎంటర్‌టైన్‌మైంట్స్‌ అంటే 'శ్యామ్‌ సింగ రారు' అని చెప్పుకుంటారు.