అగ్ర దర్శకుడు వి.వి.వినాయక్‌ శిష్యుడు విశ్వను దర్శకుడిగా పరిచయం చేస్తూ, గ్రాండ్‌ మూవీస్‌ పతాకంపై ఆర్‌.రాచయ్య నిర్మిస్తున్న విభిన్న కథాచిత్రం 'గీత'. 'మ్యూట్‌ విట్నెస్‌' అనేది ఉప శీర్షిక. ఈ చిత్రంలో హీరోయిన్‌ హేబా పటేల్‌ అనాథల కోసం పోరాడే మూగ యువతిగా, ఓ ఛాలెంజింగ్‌ రోల్‌ చేస్తుండగా, సునీల్‌ ముఖ్యపాత్రధారిగా, 'నువ్వే కావాలి' ఫేమ్‌ సాయికిరణ్‌ ప్రతి నాయకుడిగా కనిపించబోతున్నారు. పోస్ట్‌ ప్రొడక్షన్‌ కార్యక్రమాలు దాదాపు పూర్తి కావచ్చిన ఈ చిత్ర ఫస్ట్‌ లుక్‌ని దర్శకుడు వి.వి.వినాయక్‌ విడుదల చేశారు. 'నా శిష్యుడు విశ్వ దర్శకుడిగా పరిచయమవుతున్న ఈ సినిమా ఘన విజయం సాధించాలి. అలాగే నా మిత్రుడు రాచయ్య నిర్మాతగా రాణించాలి. ఈ చిత్రంలో పని చేసిన నటీనటులకు, సాంకేతిక నిపుణులకు మంచి పేరు తీసుకురావాలని కోరుకుంటున్నాను' అని చెప్పారు. 'ఈ సినిమా అవకాశాన్ని నా గురువు వినాయక్‌ గారే ఇప్పించారు. దర్శకుడిగా అవకాశం ఇచ్చిన నిర్మాత రాచయ్యగారికి ఎప్పటికీ రుణపడి ఉంటాను. సినిమా చాలా బాగా వచ్చింది. అందర్నీ అలరిస్తుందనే నమ్మకంతో ఉన్నాం' అని దర్శకుడు విశ్వ అన్నారు. 'ఎంతో ప్రతిష్టాత్మకంగా తెరకెక్కిస్తున్న హిందీ 'ఛత్రపతి' సినిమా పనులతో బాగా బిజీగా ఉన్నప్పటికీ, మా మీద ప్రత్యేకమైన అభిమానంతో ఈ చిత్ర ఫస్ట్‌ లుక్‌ని రిలీజ్‌ చేసిన వినాయక్‌ గారికి కతజ్ఞతలు. గురువుకు తగ్గ శిష్యుడు అనిపించుకునేలా డైరెక్టర్‌ విశ్వ ఈ చిత్రాన్ని అత్యద్భుత ప్రణాళికతో రూపొందించారు' అని నిర్మాత ఆర్‌.రాచయ్య తెలిపారు. రామ్‌ కార్తిక్‌, సప్తగిరి, రాజీవ్‌ కనకాల, పథ్వి (30 ఇయర్స్‌), తనికెళ్ళ భరణి, సంధ్యా జనక్‌ తదితరులు నటిస్తున్న ఈ చిత్రానికి పాటలు: సాగర్‌, సంగీతం: సుభాష్‌ ఆనంద్‌, బ్యాక్‌ గ్రౌండ్‌ స్కోర్‌: ఎస్‌.చిన్నా, పోరాటాలు: రామ్‌ కిషన్‌, కళ: జె.కె.మూర్తి, ఛాయాగ్రహణం: క్రాంతికుమార్‌. కె, కూర్పు: ఉపేంద్ర, నిర్మాత: ఆర్‌.రాచయ్య, కథ-స్క్రీన్‌ ప్లే-దర్శకత్వం: విశ్వ.
