శ్రీకాంత్‌ అయ్యంగార్‌, సోనియా అకుల, వెంకట్‌, శ్రీధర్‌, ముని, నవీన్‌, కళ్యాణ్‌, ప్రవీణ్‌, ప్రశాంతి నటీ నటులుగా రూపొందిన చిత్రం 'ఆశా ..ఎన్‌కౌంటర్‌'. ఆనంద్‌ చంద్ర రచన, దర్శకత్వంలో అనురాగ్‌ కంచర్ల నిర్మించారు.
అన్ని కార్యక్రమాలు పూర్తి చేసుకున్న ఈ సినిమా విడుదలకు సిద్ధమైంది.
ఈ సందర్భంగా నిర్మాత అనురాగ్‌ కంచర్ల మాట్లాడుతూ, 'అనివార్య కారణాల కారణంగా, పెద్ద సినిమాలతో పాటు పాన్‌ ఇండియా సినిమాలు విడుదల కావడంతో మా సినిమా రిలీజ్‌ ఆలస్యమైంది. నూతన సంవత్సర శుభాకాంక్షలతో జనవరి 1న మా చిత్రాన్ని విడుదల చేస్తున్నాం' అని చెప్పారు.
'సినిమా గురించి ఆర్జీవి గారు చాలా విషయాలు చెప్పారు. జరిగిన అనేక వాస్తవ కథనాలతో ఈ సినిమా చేశాం.ఈ సినిమా విడుదలైన తర్వాత సాంకేతిక నిపుణులకు చాలా మంచి పేరు వస్తుంది' అని రచయిత, దర్శకుడు ఆనంద్‌ చంద్ర అన్నారు. రామ్‌ గోపాల్‌ వర్మ మాట్లాడుతూ, 'ఆశా ఎన్‌కౌంటర్‌ జరగడానికి కారకులు ఎవరు? అనేది ఈ చిత్రంలో దర్శకుడు చాలా బాగా చూపించాడు. 'మర్డర్‌' మూవీతో మంచి దర్శకుడిగా నిరూపించుకున్న ఆనంద్‌ చంద్ర ఈ సినిమా ద్వారా మరో మెట్టు పైకి ఎదుగుతాడు' అని తెలిపారు.
ఈ చిత్రానికి నిర్మాణ పర్యవేక్షణ: ఏవీఎస్‌ రాజు, సంగీతం: ఆనంద్‌, ఎడిటర్‌: శ్రీకాంత్‌ పట్నాయక్‌, మనీష్‌ ఠాకూర్‌, సినిమాటోగ్రఫీ : జోషి మలహభారత్‌.
